சன்னி லியோன், தர்ஷா குப்தா இருவரது ஆடைகளையும் ஒப்பிட்டு நிகழ்ச்சி ஒன்றில் நடிகர் சதீஷ் பேசியது சர்ச்சை ஆனது. இதற்கு பதில் அளித்து சதீஷ் கூறியதாவது “சன்னி லியோன் பட்டுப்புடவையில் வந்ததால் தர்ஷா குப்தா அப்செட் ஆனதாகவும், அதை மேடையிலும் பேசலாம் என்று தர்ஷா கூறியதாலேயே நான் பேசினேன். ஆடை கலாச்சாரத்தில் ஆண், பெண் இருவருக்கும் அவரவர் விருப்பம் என்பதில் தனக்கு எந்த மாற்றுக் கருத்தும் இல்லை.
இந்த நிலையில் சதீஷுக்கு தர்ஷா பதில் அளித்துள்ளார். அந்த பதிலில் இருப்பதாவது “சதீஷ் நான் மேடையில் வைத்து உங்களை அவ்வாறா கூற சொன்னேன். இது வேடிக்கையாக உள்ளது. யாராவது மேடையில் வைத்து என்னை பற்றி அசிங்கமாக பேசுங்கள் என அவர்களே சொல்வார்களா..? அவ்வாறு நீங்கள் பேசியது எனக்கு அன்று கஷ்டமாக இருந்தது. எனினும் அதை நான் பெரியதாக காட்டிக் கொள்ளவில்லை. ஆனால் தற்போது நீங்கள் இவ்வாறு சொல்வது நன்றாக இல்லை” என குறிப்பிட்டுள்ளார்.