தமிழ் சினிமாவில் முன்னணி நடிகராக வலம் வருபவர் கமல்ஹாசன். இவர் இன்று தன்னுடைய 67-வது பிறந்த நாளை கொண்டாடுகிறார். இவருடைய பிறந்தநாளுக்கு தமிழக முதல்வர் ஸ்டாலின், நடிகை குஷ்பூ, இயக்குனர் சங்கர் உள்ளிட்ட பல பிரபலங்கள் வாழ்த்துக்களை தெரிவித்துள்ளனர். நடிகர் கமல்ஹாசன் நடிப்பில் கடைசியாக வெளியான விக்ரம் திரைப்படம் 400 கோடிக்கு மேல் வசூல் சாதனை புரிந்து சூப்பர் ஹிட் ஆனது.
அதன் பிறகு நடிகர் கமல்ஹாசனின் 234-வது திரைப்படத்தை இயக்குனர் மணிரத்தினம் இயக்கப் போவதாக நேற்று அதிகாரப்பூர்வ அறிவிப்பு வெளியானது. இந்த படத்தை ராஜ்கமல் ஃபிலிம்ஸ் இன்டர்நேஷனல் நிறுவனம், ரெட் ஜெயன்ட் மூவிஸ் நிறுவனம், மெட்ராஸ் டாக்கீஸ் நிறுவனம் ஆகிய மூன்றும் இணைந்து தயாரிக்கிறது.
நடிகர் கமல்ஹாசன் தற்போது சங்கர் இயக்கத்தில் இந்தியன் 2 என்ற திரைப்படத்தில் நடித்து வருகிறார். கடந்த 25 வருடங்களுக்கு முன்பாக வெளியான இந்தியன் திரைப்படம் ரசிகர்கள் மத்தியில் நல்ல வரவேற்பு பெற்றதால் இந்தியன் 2 திரைப்படத்தின் மீதான எதிர்பார்ப்பும் ரசிகர்கள் மத்தியில் அதிகரித்துள்ளது.
இந்த படத்தில் நடிகைகள் காஜல் அகர்வால், பிரியா பவானி சங்கர், ரகுல் ப்ரீத் சிங், நடிகர் சித்தார்த் உள்ளிட்ட பலர் முக்கிய வேடத்தில் நடிக்கிறார்கள். நடிகர் கமல்ஹாசனின் பிறந்தநாள் விழாவை முன்னிட்டு பட குழு இந்தியன் 2 திரைப்படத்தின் ஒரு புதிய போஸ்டரை வெளியிட்டுள்ளது. மேலும் இந்த போஸ்டர் தற்போது இணையதளத்தில் வைரலாகி வருகிறது.
