மறைந்த நடிகை ஸ்ரீ தேவியின் மூத்த மகள் ஜான்வி கபூர் ஹிந்தியில் தடாக், ரோகி, குட்லக் ஜெர்ரி ஆகிய திரைப்படங்களில் நடித்து இருக்கிறார். இப்போது அவர் கதையின் நாயகியாக நடித்திருக்கும் மிலி என்ற படம் திரைக்கு வந்திருக்கிறது. முத்துக்குட்டி சேவியர் இயக்கி இருக்கும் இந்த படத்தின் புரமோஷனுக்காக ஐதராபாத் வந்திருந்த ஜான்வி கபூரிடம், ஏற்கனவே தேடிவந்த சில தெலுங்கு பட வாய்ப்புகளை தவிர்த்தது ஏன்..? என்று கேள்வி கேட்கப்பட்டது.
அதற்கு ஜான்வி கபூர், ஹிந்தி படங்களில் நடித்துக்கொண்டிருந்ததால் தெலுங்கு திரைப்படங்களை ஏற்க முடியவில்லை என்று பதில் கூறி இருக்கிறார். அத்துடன் தற்போது தெலுங்கு திரைப்படங்களில் பணிபுரிய மிகவும் ஆர்வமாக உள்ளதாகவும், ஒரு பெரிய வாய்ப்புக்காக தான் காத்திருப்பதாகவும் அவர் கூறி இருக்கிறார். முன்னணி ஹீரோவின் படவாய்ப்பு என்பதோடு, தனக்கும் முக்கியத்துவம் வாய்ந்த வேடமாக இருக்கும் பட்சத்தில் தெலுங்கில் உடனடியாக நடிப்பதற்கு தான் தயாராக இருப்பதாகவும் ஜான்வி கபூர் தெரிவித்துள்ளார்.