சென்னை ஐஐடியில் தமிழக அரசு பள்ளி மாணவர்களை அதிகளவு சேர்க்கும் விதமாக தமிழக அரசோடு இணைந்து அனைவருக்கும் ஐஐடி என்ற திட்டம் தொடங்கப்பட்டது. இந்த திட்டத்தின் கீழாக சென்னை மற்றும் அதைச் சுற்றியுள்ள 58 அரசு மற்றும் மாநகராட்சி பள்ளிகளில் இருந்து தேர்ந்தெடுக்கப்பட்ட 192 மாணவர்களை கொண்ட பட்டியல் தயார் செய்யப்பட்டது.
இந்நிலையில் இதுபற்றி செய்தியாளர்களை சந்தித்த அமைச்சர் அன்பில் மகேஷ், மாணவர்கள் போட்டி தேர்வுகளை சந்திக்க அவர்களுக்கு சிறப்பு பயிற்சி அளிக்கப்பட்டு வருகிறது. அந்தவகையில், அரசு பள்ளியில் படித்த 87 மாணவர்கள் ஐஐடியில் படிக்க தேர்வாகியுள்ளனர். இதில் அதிகளவில் மாணவிகளும் உள்ளனர். எஸ்சி, எஸ்டி மாணாக்கர்களும் உள்ளனர் என்று அவர் பெருமிதம் தெரிவித்தார்.