இயக்குனர் யுவன் இயக்கத்தில் நடிகை சன்னி லியோன் நடிக்கும் “ஓ மை கோஸ்ட்” திரைப்படத்தின் டிரைலர் வெளியீட்டு விழா மெட்ராஸில் நடைபெற்றுள்ளது.
பாலிவுட் சினிமாவில் பிரபலமான நடிகையாக வலம் வருபவர் சன்னி லியோன். இவர் தற்போது இயக்குனர் யுவன் இயக்கத்தில் “ஓ மை கோஸ்ட்” என்ற நகைச்சுவை திரைப்படத்தில் பேய் வேடத்தில் நடித்துக் கொண்டிருக்கின்றார்.
இந்தத் திரைப்படத்தில் சன்னி லியோனுடன் இணைந்து நடிகர் சதீஷ், “குக் வித் கோமாளி” டீம் புகழ், தர்ஷா குப்தா, தங்கதுரை, சஞ்சனா, யோகி பாபு, ஜி. பி. முத்து மற்றும் திலக் ரமேஷ் போன்றவர்கள் முக்கிய கதாபாத்திரத்தில் நடித்துள்ளனர். இந்த திரைப்படத்தை கே. சசிகுமார் மற்றும் வீரசக்தி ஆகியோர் இணைந்து தயாரித்துள்ளனர்.
இந்த திரைப்படத்திற்கு ஜாவேத் ரியாஸ் இசையமைத்துள்ளார். இதனைத் தொடர்ந்து இந்த படத்தின் டிரைலர் வெளியீட்டு விழா மெட்ராஸில் நடைபெற்றுள்ளது. மேலும் இது குறித்து நடிகர் சதீஷ் கூறியதாவது, “எனக்கு இந்த திரைப்படத்தில் ஒரு முக்கிய கதாபாத்திரம் உள்ளது. இந்த திரைப்படத்தில் சன்னி லியோன் நடிக்கவுள்ளார் என்று தெரிந்ததும் நான் இந்த படத்தில் நடிக்க ஒத்துக் கொண்டேன். சன்னி லியோன் ஒரு சிறந்த மனிதநேயமிக்க நபர் என்றாலும் கூட அவரை நெருங்க தயங்கிக் கொண்டிருந்தேன். ஆனால் அவர் சாதாரணமாக எங்களிடம் பழகினார். மேலும் இந்த படத்திற்கு அதிக உழைப்பை கொடுத்துள்ளோம். இந்த திரைப்படம் உங்களுக்கு பிடிக்கும்” என்று அவர் கூறியுள்ளார்.