நடிகர் சந்தானம் நடிக்கும் “ஏஜென்ட் கண்ணாயிரம்” திரைப்படத்தின் ஒப்பாரி ராப் பாடல் இணையத்தில் வைரலாக்கி வருகின்றது.
தமிழ்த் திரைப்பட நகைச்சுவை நடிகரான சந்தானம் விஜய் டிவியில் “லொள்ளு சபா” என்ற நிகழ்ச்சியின் மூலம் அறிமுகமானர். அதன் பின்னர் 2004 -ஆம் ஆண்டில் “மன்மதன்” திரைப்படத்தில் நகைச்சுவை நடிகராக அறிமுகமாகி பின்னர் பல வெற்றிப் படங்களில் நடித்துள்ளார். தற்போது இவர் கதாநாயகனாக நடித்து வருகின்றார். அவர் நடித்த வல்லவனுக்கு புல்லும் ஆயுதம், இனிமே இப்படித்தான், தில்லுக்கு துட்டு, ஏ1, பாரிஸ் ஜெயராஜ் மற்றும் டிக்கிலோனா போன்ற திரைப்படங்கள் ரசிகர்கள் மத்தியில் நல்ல வரவேற்பையும் பெற்று தந்தது.
மேலும் இந்த திரைப்படத்திற்கு யுவன் சங்கர் ராஜா இசையமைத்துள்ளார். இந்த திரைப்படத்தை இயக்குனர் மனோஜ் பீதா இயக்கியுள்ளார். இதனை அடுத்து இந்தப் திரைப்படத்தில் நடிகர் சந்தானத்துடன் இணைந்து முனிஸ்கான், ஸ்ருதி ஹரிஹரன், புகழ் மற்றும் ரியா சுமன் போன்ற பலர் நடித்துள்ளனர். சமீபத்தில் நடிகர் சந்தானத்தின் பிறந்த நாளன்று “ஏஜென்ட் கண்ணாயிரம்” படத்தின் டீசர் வெளியாகி ரசிகர்களின் கவனத்தை ஈர்த்தது. இந்நிலையில் இந்த திரைப்படத்தின் “ஒப்பாரி ரேப்” பாடலின் லிரிக் வீடியோ வெளியாகியுள்ளது. இந்த வீடியோ சமூக வலைத்தளங்களில் வைரலாகி வருகின்றது. மேலும் இந்த திரைப்படம் வருகிற நவம்பர் மாதம் 25-ஆம் தேதி என்று அதிகாரப்பூர்வ அறிவிப்பு வெளியாகியுள்ளது.