வானியல் பற்றி ஆராய்ச்சியில் ஈடுபட்டு வரும் இஎஸ்ஓ என்னும் ஐரோப்பிய ஆய்வகத்தின் வானியலளர்கள் மிகப்பெரிய நட்சத்திரம் ஒன்று சக்தி வாய்ந்த வெடிப்பினால் சிதறிய பின் மீதமுள்ளவற்றை கண்டறிந்திருக்கின்றனர். ஏறக்குறைய 11 ஆயிரம் வருடங்களுக்கு முன் இந்த பெரிய நட்சத்திரம் வெடித்து சிதறி இருக்கிறது அவ்வாறு வெடிக்கும் போது அந்த நட்சத்திரம் தனது இறுதி வாழ்நாளில் சூரியனை விட 8 மடங்கு அதிக எடையுடன் இருந்திருக்க கூடும் என விஞ்ஞானிகளால் நம்பப்படுகிறது.
இந்த நிலையில் பெரிய நட்சத்திரம் வெடித்த பின் மீதம் உள்ளவை நமது சூரிய மண்டலத்தின் பெரிய அளவைவிட 600 மடங்கு பெரிய அளவில் பறந்து காணப்படுகிறது. மேலும் பூமியிலிருந்து 800 ஒளி ஆண்டுகள் தொலைவில் பால்வழி மண்டலத்தில் அது அமைந்திருக்கிறது. இது நட்சத்திரத்தின் வெளிப்புற அடுக்குகள் வெடித்ததும் சுற்றியுள்ள வாயுக்களை நோக்கி வெளியே தள்ளப்பட்டு இருக்கிறது அவை வாயுக்களாக இழைகள் போல் உருவ அமைப்புடன் உள்ளது. நட்சத்திரத்தின் உட்புற பகுதியை நம்மால் காண முடிகிறது ஆனால் அது விண்வெளியில் இருந்து கிடைக்கிறது.
அவற்றில் காணப்படும் ஹைட்ரஜன் அணுக்கள் அதன் ஒளிரும் தன்மைக்கு அடிப்படையாக இருக்கிறது. இது பற்றி வானியல் நிபுணர் லெய் பண்ட்கட் பேசும் போது பல லட்சக்கணக்கான வருடங்களுக்குப் பின் ஒன்று சேர்ந்து உருவான நட்சத்திரத்தின் உட்பகுதி என்பது தற்போது தெரிய வந்திருக்கிறது. மேலும் அது குளிர தொடங்கியுள்ளது இன்னும் பல லட்சக்கணக்கான ஆண்டுகள் வரை எடுத்துக்கொண்டு இறுதியில் பல புதிய நட்சத்திரங்களாக அது உருவாகும் என தெரிவித்துள்ளார்.