உலகம் முழுவதும் கோடி கணக்கான பயனர்கள் whatsapp செயலியை பயன்படுத்தி வரும் நிலையில் தங்கள் பயனர்களின் வசதிக்காக வாட்ஸப் நிறுவனம் அவ்வப்போது பல புதிய அப்டேட்டுகளை வழங்கி வருகிறது . அதனால் வாட்ஸ் அப் பயன்படுத்துவது தற்போது மேலும் எளிதாகி வருகிறது. அண்மையில் whatsapp குழுவில் சேர்க்கப்படும் நபர்களின் எண்ணிக்கை 256 ஆக இருந்த நிலையில் 512 ஆக உயர்த்தப்பட்டது.
தற்போது இந்த எண்ணிக்கை மேலும் உயர்த்தப்பட்டு இனி whatsapp குரூப்பில் அதிகபட்சமாக 1024 உறுப்பினர்கள் வரை இணையும்படி புதிய அப்டேட் வெளியாகி உள்ளது. முதலில் இந்த வசதி பீட்டா சோதனையாளர்களுக்கு மட்டுமே வழங்கப்பட்ட நிலையில் தற்போது இந்த வசதி அனைவருக்கும் விரிவாக்கம் செய்யப்பட்டுள்ளது. அதாவது இனி பீட்டாவை தொடர்ந்து ஆண்ட்ராய்டு மற்றும் ஐஓஎஸ் whatsapp பயனர்கள் குழுவிலும் 1024 வரை இணைய முடியும்.
அதேசமயம் whatsapp குழுவிற்குள் வாக்கெடுப்பு நடத்தும் அம்சமும் தற்போது வந்துள்ளது.அடுத்ததாக வாட்ஸ் அப்பில் 2ஜிபி வரை பைல்களை அனுப்ப முடியும் என்று மெட்டா நிறுவனம் தெரிவித்துள்ளது . தற்போது வாட்ஸ் அப்பில் கம்யூனிட்டி ஆப்ஷன் கொண்டுவரப்பட்டுள்ள நிலையில் இதன் மூலம் பல குருப்களை இணைக்க முடியும். அது மட்டுமல்லாமல் ஒரு குரூப்பில் இருந்து தகவல்களை எளிதாக பெற முடியும் என தெரிவித்துள்ளது.