பிக்பாஸ் 6-வது சீசன் சென்ற அக்டோபர் 9ம் தேதி துவங்கி மும்முரமாக நடந்து வருகிறது. இவற்றில் போட்டியாளர்கள் ஷாந்தி மற்றும் அசல் கோளாறு பிக் பாஸ் வீட்டிலிருந்து எலிமினேட் செய்யப்பட்டனர். இதற்கிடையில் ஜிபி முத்து தாமாக முன் வந்து வெளியேறினார். இந்நிகழ்ச்சி 24 நாட்களை எட்டி இருக்கிறது. சென்ற வாரம் தொகுப்பாளர் கமல்ஹாசன் சக போட்டியாளர்களை உடல்மொழி கேலி செய்த அசீமையும், மணிகண்டனையும் கண்டித்து பேசினார். இதற்கு ரசிகர்கள் பல பேர் ஆதரவு தெரிவித்து வந்தனர்.
இந்த நிலையில் ரசிகர் ஒருவர் “கடந்த வாரம் பிக்பாஸ் வீட்டில் உடல் மொழி கேலி செய்த அசீம் மற்றும் மணிகண்டனை கமல்ஹாசன் கையாண்ட விதம் ஒவ்வொரு வீட்டிற்கும் சென்றடைந்து உள்ளது. அத்துடன் நிறுத்தாமல் ஏடிகேவை அனைவரையும் போல நடித்து காண்பிக்க செய்து வித்தியாசத்தை விளக்கினார்” என கமலை குறிப்பிட்டு சமூகவலைதளத்தில் பதிவிட்டிருந்தார். இப்பதிவிற்கு கமல் பதில் அளித்ததாவது “நன்றி மெளலி அநாகரிகமோ, அவமானமோ இல்லாமல் நகைச்சுவை செய்யத் தூண்டிய தலைவர்களில் நீங்களும் ஒருவர் ஆவர். உங்களை போல் பெருமை மிகுந்த மனிதர்களின் வரிசையில் நாங்களும்” என பதில் அளித்தார்.
இயக்குனரும், மூத்த நடிகருமான திரு. மெளலி என தவறுதலாக நினைத்துவிட்டேன். இருந்தாலும், தங்களது பாராட்டுக்களுக்கு நன்றி.
— Kamal Haasan (@ikamalhaasan) November 1, 2022
இவ்வாறு கமலின் இப்பதிவை பார்த்த ரசிகர் “தவறுதலாக புரிந்துகொள்ளப்பட்டது போன்று தெரிகிறது. எனினும் என்னுடைய கருத்துகள் தங்களை வந்தடைந்திருக்கிறது. இதனைப் பயன்படுத்திக் கொண்டு ஒன்று கூறுகிறேன். திரைதுறையில் மாற்றுப் பாலினத்தவர் பற்றி விழிப்புணர்வை ஏற்படுத்த வேண்டுமென கேட்டுக் கொள்கிறேன்” என ரசிகர் குறிப்பிட்டுள்ளார். அதன்பின் கமல் கூறியதாவது “இயக்குனரும் மூத்தநடிகருமான மெளலி என தவறுதலாக நினைத்துவிட்டேன். இருப்பினும் தங்களுடைய பாராட்டுக்கு நன்றி” என்று பதிவிட்டுள்ளார். இப்பதிவுகள் தற்போது சமூகவலைதளத்தில் வைரலாகி வருகிறது.