ட்விட்டரை வாங்கியபின் அதில் பல்வேறு மாற்றங்களை எலான் மஸ்க் கொண்டு வருகிறார். அந்த வகையில், தற்போது அவர், ட்விட்டரில் ப்ளூடிக் பெற விரும்புபவர்கள் மாதம் 8 டாலர் (இந்திய மதிப்பில் 660) கட்ட வேண்டும். கட்டணம் ஒவ்வொரு நாட்டிற்கும் மாறுபடும் என்று தெரிவித்துள்ளார். இதன் மூலம் ட்விட்டர் தேடலில் உங்களுக்கு முன்னுரிமை கொடுக்கப்படும். நீளமான வீடியோ, ஆடியோ, விளம்பரங்களை அப்லோட் செய்யலாம் என கூறியுள்ளார்.
இந்நிலையில், ட்விட்டர் நிறுவனத்தின் தலைவர் எலான் மஸ்கின் ‘கூகுள் பே’ நம்பரை நடிகர் சிபி சத்யராஜ் கேட்டுள்ளார். ட்விட்டரில் ‘ப்ளூ டிக்’ வைத்திருப்பவர்கள் இனி மாதம் $8 (T662) செலுத்த வேண்டும் என்று எலான் மஸ்க் அறிவித்தார். இந்நிலையில் கூகுள் பே நம்பரை கொடுத்தால் அதில் அந்த தொகையை தான் நேரடியாக செலுத்திவிடுவதாக சிபி சத்யராஜ் கூறியுள்ளார்.