சுரேஷ் ரெய்னா தனது அபுதாபி டி10 லீக் போட்டியில் ஆறாவது சீசனுக்காக டெக்கான் கிளாடியேட்டர்ஸ் அணியுடன் ஒப்பந்தம் செய்துள்ளதால் அவர் அறிமுகமாகிறார்.
இந்திய அணியின் மூத்த வீரர் சுரேஷ் ரெய்னா, டெக்கான் கிளாடியேட்டர்ஸ் அணிக்காக அதிகாரப்பூர்வமாக ஒப்பந்தம் செய்துள்ளதால், அபுதாபி டி10 லீக்கில் இடம்பெற உள்ளார். உபி கிரிக்கெட் வீரரான ரெய்னா 2019 ஆம் ஆண்டு சர்வதேச கிரிக்கெட்டிலிருந்து ஓய்வு பெறுவதாக அறிவித்தார். அதன்பின் இந்தியன் பிரீமியர் லீக் (ஐபிஎல்) மற்றும் உள்நாட்டு கிரிக்கெட்டில் இருந்து ஓய்வு பெறுவதாக அதிகாரப்பூர்வமாக அறிவித்தார். ரெய்னா இனி இந்திய கிரிக்கெட் கட்டுப்பாட்டு வாரியத்தில் (பிசிசிஐ) ஒப்பந்தம் செய்யப்பட்ட வீரர் அல்ல என்பது குறிப்பிடத்தக்கது, அவர் வெளிநாட்டு உரிமையியல் லீக்குகளில் பங்கேற்க தகுதியுடையவர்.
ரெய்னாவை டெக்கான் கிளாடியேட்டர்ஸ் அணி இணைத்துள்ளது, இந்த அணியில் ஏற்கனவே ஆண்ட்ரே ரசல், நிக்கோலஸ் பூரன் மற்றும் ஒடியன் ஸ்மித், பங்களாதேஷ் வேகப்பந்து வீச்சாளர் தஸ்கின் அகமது, இங்கிலாந்து தொடக்க ஆட்டக்காரர் ஜேசன் ராய் மற்றும் ஆப்கானிஸ்தான் சுழற்பந்து வீச்சாளர் முஜீப் உர் ரஹ்மான் ஆகியோர்கள் உள்ளனர்.. அபுதாபி டி10 லீக்கின் 6ஆவது தொடர் நவம்பர் 23 அன்று தொடங்குகிறது, இதன் தொடக்க நாளில் டெக்கான் கிளாடியேட்டர்ஸ் அணி அபுதாபியை எதிர்கொள்கிறது.
ரெய்னா ஐபிஎல்லில் சென்னை சூப்பர் கிங்ஸ் அணியின் முதுகெலும்பாக இருந்தார். ஐபிஎல் வரலாற்றில் 5ஆவது அதிக ஸ்கோர்அடித்தவராக ரெய்னா இருக்கிறார், ரெய்னா 205 போட்டிகளில் ஒரு சதம் மற்றும் 35 அரை-சதம் உட்பட 5,528 ரன்கள் குவித்துள்ளார். இதில் சிஎஸ்கே அணிக்கு மட்டும் 4,687 ரன்கள் அடித்துள்ளார் என்பது குறிப்பிடத்தக்கது.
2021 சீசனில் சிஎஸ்கே சிறப்பாக ஆடி கோப்பையை கைப்பற்றினாலும் , ரெய்னா ஏமாற்றமளிக்கும் ஆட்டத்தை வெளிப்படுத்தினார். இதனால் ஐபிஎல் 2022 மெகா ஏலத்திற்கு முன்னதாக 4 முறை சாம்பியனான சென்னை அணி நிர்வாகம் மூத்த மிடில்-ஆர்டர் பேட்டரை விடுவித்தது.. மேலும் அவரை வாங்க எந்த அணியும் ஆர்வம் காட்டவில்லை. இறுதியில், போட்டியின் 15வது தொடரில் போது ரெய்னா தனது வர்ணனையை அறிமுகம் செய்தார். சிஎஸ்கே ரெய்னாவை ஏலத்தில் எடுக்காதது ரசிகர்கள் மத்தியில் அதிருப்தியை ஏற்படுத்தியது. தற்போது ரெய்னா மீண்டும் ஆட வருவதால் ரசிகர்கள் மகிழ்ச்சியில் உள்ளனர்..
World Cup winner @ImRaina has signed for the @TeamDGladiators 🙌🇮🇳
One of India's all time finest white-ball players, Raina will line up in the #AbuDhabiT10 for the first time and we can't wait 🔥#InAbuDhabi #CricketsFastestFormat pic.twitter.com/7FGP5TWk89
— T10 Global (@T10League) November 1, 2022