தமிழ் திரையுலகின் உச்சநட்சத்திரமான நடிகர் விஜய் இப்போது இயக்குனர் வம்சி இயக்கத்தில் வாரிசு படத்தில் நடித்து இருக்கிறார். பெரிய எதிர்பார்ப்பை ஏற்படுத்தி இருக்கும் இந்த படம் வரும் பொங்கல் பண்டிகையை முன்னிட்டு வெளியாக உள்ளது. இந்த படத்தை தொடர்ந்து இயக்குநர் லோகேஷ் கனகராஜ் இயக்கத்தில் விஜய் நடிக்க உள்ளார். ஒட்டுமொத்த திரை உலகமும் எதிர்பார்த்துவரும் தளபதி 67 படத்தின் அதிகாரபூர்வமான அறிவிப்பு இதுவரை வெளியாகவில்லை.
அத்துடன் இப்படத்தில் நடிக்கவுள்ள நடிகர்கள் பற்றி தொடர்ந்து தகவல்கள் வெளியாகி வருகிறது. இதனிடையில் இதுவரை படப்பிடிப்புகூட துவங்காத சூழ்நிலையில், தளபதி 67 திரைப்படத்தின் டிஜிட்டல் ரைட்ஸ் தெடர்பான தகவல் வெளியாகியிருக்கிறது. அந்த வகையில் இப்படத்தின் டிஜிட்டல் ரைட்ஸ் ரூபாய் 150 கோடிக்கு இறுதிசெய்யப்பட்டு இருப்பதாக கூறப்படுகிறது. அத்துடன் இதன் வாயிலாக இப்படத்தின் வியாபாரம் மட்டும் ரூபாய்.400 கோடிக்கு இருக்கும் என கூறப்படுகிறது.