தமிழ் சினிமாவில் முன்னணி கதாநாயகியாக வலம் வருபவர் நடிகை சமந்தா. தற்போது யசோதா திரைப்படத்தில் இவர் நடித்துவரும் நிலையில் மயோசிடிஸ் நோயால் பாதிக்கப்பட்டுள்ளதாக ட்விட்டரில் பதிவிட்டுள்ளார். இந்த செய்தியை இணையவாசிகள் அனைவரும் பகிர்ந்து விரைந்து குணமாக வேண்டுமென தேசிய அளவில் #SamanthaRuthPrabhu எனும் ஹாஷ்டேகை ட்ரெண்ட் செய்து வருகின்றனர். ரசிகர்களும் சோகத்தில் ஆழ்ந்துள்ளனர்.
மயோசிடிஸ் எனும் கொடிய நோயால் பாதிக்கப்பட்டுள்ளார் நடிகை சமந்தா. ஜூனியர் என்டிஆர், ரகுல் ப்ரீத் சிங், ராஷி கண்ணா, வம்சி உள்ளிட்ட பல திரை பிரபலங்கள் சமூகவலைதள பக்கங்களில் குணமடைய வாழ்த்து தெரிவிக்கும் நிலையில் சமந்தாவின் முன்னாள் கணவர் நாகசைதன்யா இவருக்கு வாழ்த்து தெரிவிப்பாரா எனும் கேள்வி எழுந்துள்ளது. இந்நிலையில், அவரது தம்பி அக்கினேனி அகில் தனது ட்விட்டர் பக்கத்தில் சமந்தாவுக்கு ஆறுதலாக ‘டியர் சாம்.. எல்லோரும் உங்களை நேசிக்கிறார்கள். குணமடைய கூடுதல் நம்பிக்கை தேவை’ என பதிவிட்டுள்ளார்.