வாரிசு திரைப்படம் குறித்து புதிய தகவல் வெளியாகி உள்ளது.
தமிழ் சினிமா திரையுலகில் முன்னணி நடிகர்களில் ஒருவராக வலம் வருகின்றார் விஜய் . இவர் தனக்கென தனி ரசிகர் பட்டாளத்தையே உருவாக்கியுள்ளார். இந்த நிலையில் தற்போது விஜய் நடித்துவரும் வாரிசு திரைப்படத்தின் படப்பிடிப்பு முடிவடையும் நிலையில் உள்ளது. பொங்கல் பண்டிகைக்கு இந்த படம் ரிலீஸ் ஆக இருக்கிறது. இத்திரைப்படத்தை வம்சி இயக்க ஸ்ரீ வெங்கடேஸ்வரா சினி கிரியேஷன் தயாரிக்கின்றது.
இத்திரைப்படத்தில் விஜய்யுடன் இணைந்து ராஷ்மிகா மந்தனா, ஷாம், சரத்குமார், குஷ்பூ, ஸ்ரீகாந்த், சங்கீதா உள்ளிட்டோர் முக்கிய கதாபாத்திரத்தில் நடிக்கின்றார்கள். இந்த படத்திற்கு தமன் இசையமைக்க விஜய் ஒரு பாடல் பாடியிருப்பதாக செய்தி வெளியாகி இருக்கின்றது. இந்த நிலையில் படம் குறித்த புதிய தகவல் ஒன்று வெளியாகி உள்ளது. அது என்னவென்றால் இத்திரைப்படத்தின் இசை உரிமத்தை டி சீரிஸ் மியூசிக் கைப்பற்றி இருக்கின்றது.