தமிழ் சினிமாவில் காமெடி மற்றும் ஹாரர் படங்களை கொடுத்து சிறியவர்கள் மீது முதல் பெரியவர்கள் வரை அனைவரையும் கவர்ந்து வைத்திருப்பவர் சுந்தர் சி. இவர் ஹீரோவாகவும் நடித்து வருகிறார். தனது கனவு படமாக இயக்கவிருக்கும் திரைப்படம் ‘சங்கமித்ரா’. இந்த திரைப்படத்தை பெரிய பொருள் செலவில் பிரம்மாண்டமாக உருவாகும் என்று அறிவிக்கப்பட்டது. சரித்திர பின்னணியில் பிரம்மாண்டமாக உருவாகியிருந்த இப்படத்தின் போஸ்டர்களும் வெளியாகியது. இந்த திரைப்படத்தில் ஜெயம் ரவி மற்றும் ஆர்யா இணைந்து நடித்திருந்தனர்.
ஏ ஆர் ரகுமான் இப்படத்திற்கு இசையமைக்க ஒப்பந்தமானார். கடந்த மூன்று ஆண்டுகளுக்கு முன் இந்த படத்தின் பணிகள் தொடங்கியது. ஸ்ரீ தேனாண்டாள் பிலிம்ஸ் நிறுவனம் தயாரித்து வந்த இந்த படம் நிதி சிக்கலால் திடீரென நிறுத்தப்பட்டது. இதனையடுத்து இந்த படம் எப்போது தொடங்கும் என்று ரசிகர்கள் ஆர்வமுடன் காத்திருந்தனர். இந்நிலையில் இப்படத்தை தயாரிக்க லைக்கா நிறுவனம் முன் வந்துள்ளது. இதற்கான பேச்சுவார்த்தை நடைபெற்று வருவதாக கூறப்படுகிறது.