இயக்குனர் ரஞ்சித் ஜெயக்கொடி இயக்கத்தில் சந்திப் கிஷான் மற்றும் திவ்யன்ஷா கவுசிக் முக்கிய கதாபாத்திரங்களில் நடித்திருக்கின்ற திரைப்படம் மைக்கேல். கேங்ஸ்டர் திரைப்படமாக உருவாக இருக்கின்ற இந்த படத்தில் விஜய் சேதுபதி, கௌதம் வாசுதேவ் மேனன், வரலட்சுமி சரத்குமார் உள்ளிட்ட பலர் முக்கிய கதாபாத்திரங்களில் நடித்திருக்கின்றனர். இயக்குனர் ரஞ்சித் ஜெயக்கொடி புரியாத புதிர், இஸ்பெட் ராஜாவும் இதய ராணியும் போன்ற படங்களை இயக்கியவர் குறிப்பிடத்தக்கதாகும்.
கரண் ப்ரோடக்ஷன் மற்றும் ஸ்ரீ வெங்கடேஸ்வரா சினிமாஸ் இணைந்து தயாரித்திருக்கின்ற இந்த படத்திற்கு இசையமைப்பாளர் சாம் சி எஸ் இசையமைத்திருக்கிறார். இந்த திரைப்படம் தமிழ், தெலுங்கு, கன்னடம், மலையாளம் மற்றும் இந்தி போன்ற மொழிகளில் வெளியாக இருக்கிறது. இந்த நிலையில் இந்த படத்தின் டீசர் தற்போது வெளியாகியிருக்கிறது. இந்த டீசரை நடிகர் தனுஷ் தன்னுடைய சமூக வலைதள பக்கங்களில் பதிவிட்டுள்ளார். தற்போது இந்த டீசர் இணையத்தில் வைரலாக பரவி வருகிறது.