டி20 உலகக்கோப்பை தகுதிச்சுற்று போட்டியில் ஜிம்பாப்வே அணியை 31 ரன்கள் வித்தியாசத்தில் வெஸ்ட் இண்டீஸ் அணி வீழ்த்தியது..
ஆஸ்திரேலியாவில் ஐசிசி டி20 உலக கோப்பை கிரிக்கெட் தொடர் கடந்த 16ஆம் தேதி தொடங்கி நடைபெற்று வருகிறது. தற்போது முதல் கட்டமாக தகுதி சுற்று போட்டிகள் நடைபெற்று வருகின்றது. இதில் 8 அணிகள் பங்கேற்றுள்ளது. ஏற்கனவே இந்தியா, பாகிஸ்தான் உட்பட 8 அணிகள் சூப்பர் 12 சுற்றுக்கு முன்னேறி இருக்கும் நிலையில், தகுதி சுற்றில் இருந்து 4 அணிகள் தேர்வு செய்யப்படும். இந்நிலையில் இன்றைய 8ஆவது தகுதி சுற்றுப்போட்டியில் வெஸ்ட் இண்டீஸ் மற்றும் ஜிம்பாப்வே அணிகள் மோதியது. முன்னதாக நடந்த தகுதி சுற்று போட்டியில் வெஸ்ட் இண்டீஸ் அணி 42 ரன்கள் வித்தியாசத்தில் ஸ்காட்லாந்து அணியிடம் தோல்வியடைந்தது. அதேசமயம் ஜிம்பாவே அணி 31 ரன்கள் வித்தியாசத்தில் அயர்லாந்து அணியை வீழ்த்தி இருந்தது.
இந்நிலையில் இன்றைய தகுதிச்சுற்று போட்டியில் டாஸ் வென்ற வெஸ்ட் இண்டீஸ் அணி பேட்டிங்கை தேர்வு செய்தது அதன்படி வெஸ்ட் இண்டீஸ் அணியின் தொடக்க வீரர்களாக கைல் மேயர்ஸ் மற்றும் ஜான்சன் சார்லஸ் இருவரும் களமிறங்கினர். இதில் தொடக்க வீரர் மேயர்ஸ் 13 ரன்கள் எடுத்த நிலையில் அவுட்டானார். அதனைத் தொடர்ந்து வந்த எவின் லூயிஸ் 15, நிக்கோலஸ் பூரன் 7 என அடுத்தடுத்து ஆட்டம் இழந்த போதிலும், மற்றொரு துவக்க வீரர் சார்லஸ் சிறப்பான ஆட்டத்தை வெளிப்படுத்தி வந்த நிலையில், அரை சதம் அடிப்பார் என்று எதிர்பார்க்கப்பட்ட போது 45(36) ரன்களில் ஆட்டமிழந்தார்..
அதைத்தொடர்ந்து வந்த ஷர்மர் புரூக்ஸ் 0, ஜேசன் ஹோல்டர் 4 என யாருமே நிலைத்து நிற்காமல் வருவதும் போவதுமாக இருந்தனர். வெஸ்ட் இண்டீஸ் அணி 13.6 ஓவரில் 101 ரன்களுக்கு 6 விக்கெட் இழந்து இருந்தது. இதையடுத்து ரோவ்மன் பவல் மற்றும் அகேல் ஹொசின் இருவரும் ஜோடி சேர்ந்து சிறிய பார்ட்னர்ஷிப் அமைத்து பொறுப்பாக ஆடினர். பின் கடைசி ஓவரில் ரோவ்மன் பவல் 2 சிக்ஸர் அடித்து ஆட்டமிழக்க 20 ஓவர் முடிவில் வெஸ்ட் இண்டீஸ் அணி 7 விக்கெட் இழப்பிற்கு 153 ரன்கள் குவித்தது.
ரோவ்மன் பவல் 21 பந்துகளில் (2 சிக்ஸர், 1 பவுண்டரி) 28 ரன்கள் எடுத்திருந்தார். மேலும் அகேல் ஹொசின் 23 ரன்களுடனும், ஓடியன் ஸ்மித் 1 ரன்னிலும் ஆட்டமிழக்காமல் இருந்தனர். ஜிம்பாப்வே அணியில் சிக்கந்தர் ராசா அதிகபட்சமாக 3 விக்கெட்டுகள் வீழ்த்தினார்..
இதையடுத்து ஜிம்பாப்வே அணியின் தொடக்க வீரர்களாக வெஸ்லி மாதவேரே மற்றும் ரெஜிஸ் சகப்வா இருவரும் களமிறங்கினர். கைல் மேயர்ஸ் வீசிய முதல் ஓவரிலேயே ஜிம்பாப்வே அணிக்கு 3 பவுண்டரி ஒரு வைடு பவுண்டரி என 17 ரன்கள் கிடைத்தது. நல்ல தொடக்கம் கிடைத்த நிலையில் அல்சாரி ஜோசப் வீசிய 3ஆவது ஓவரில்ரெஜிஸ் சகப்வா 13 ரன்களில் ஆட்டமிழந்தார்.. அதனை தொடர்ந்து டோனி முனியோங்காவும் 2 ரன்னில் அல்சாரி வேகத்தில் சரிந்தார்.. அதனை தொடர்ந்து சீன் வில்லியம்ஸ் 1, தொடக்க வீரர் மாதவேரே 27 , சிக்கந்தர் ராசா 14 என அடுத்தடுத்து அவுட் ஆகி நடையை கட்டினர்..
இதையடுத்து வந்த வீரர்களும் நிலைத்து ஆடவில்லை.. வெஸ்ட் இண்டீஸ் வேகத்தில் தாக்குபிடிக்க முடியாமல் தொடர்ந்து விக்கெட்டுகளை இழந்த ஜிம்பாப்வே அணி 18.2 ஓவரில் 10 விக்கெட்டுகளை இழந்து 122 ரன்களுக்கு ஆட்டம் இழந்தது. அதிகபட்சமாக லூக் ஜாங்வே 29 ரன்கள் எடுத்தார்.. இதன் மூலம் வெஸ்ட் இண்டீஸ் அணி 31 ரன்கள் வித்தியாசத்தில் ஜிம்பாப்வே அணியை வீழ்த்தியுள்ளது. வெஸ்ட் இண்டீஸ் அணியில் அதிகபட்சமாக அல்சாரி ஜோசப் 4 விக்கெட்டுகளும், ஜேசன் ஹோல்டர் 3 விக்கெட்டுகளும் எடுத்தனர்.. சிறப்பாக பந்துவீசிய அல்சாரி ஜோசப் ஆட்டநாயகன் விருது வென்றார்.
இதில் வெஸ்ட் இண்டீஸ் அணி தோல்வி அடைந்திருந்தால் தகுதி சுற்றோடு வெளியேற வேண்டிய நிலைக்கு தள்ளப்பட்டிருக்கும். தற்போது வெற்றிபெற்று சூப்பர் 12 சுற்றை தக்க வைத்து கொண்டுள்ளது. வரும் 21ஆம் தேதி காலை 9:30 மணிக்கு வெஸ்ட் இண்டீஸ் அணி கடைசி தகுதி சுற்று போட்டியில் அயர்லாந்தையும், அதேபோல அதேநாளில் மதியம் ஜிம்பாப்வே அணி 1:30 மணிக்கு ஸ்காட்லாந்து அணியை எதிர்கொள்கிறது..
A crucial win for West Indies!
An excellent performance against Zimbabwe keeps their #T20WorldCup campaign alive 👏#WIvZIM | #T20WorldCup | 📝 Scorecard: https://t.co/73IUt5RrWS pic.twitter.com/pmxRyAqm4b
— ICC (@ICC) October 19, 2022