தமிழ் சினிமாவில் பிரபலமான இயக்குனராக வலம் வருபவர் லோகேஷ் கனகராஜ். இவர் மாநகரம் என்ற திரைப்படத்தின் மூலம் இயக்குனராக அறிமுகமானார். இந்த படத்திற்கு பிறகு கைதி, மாஸ்டர் மற்றும் விக்ரம் உள்ளிட்ட பல சூப்பர் ஹிட் படங்களை இயக்கி தனக்கென தனி ரசிகர்கள் பட்டாளத்தை உருவாக்கினார். இந்நிலையில் லோகேஷ் கனகராஜ் இயக்கத்தில் கைதி 2 மற்றும் விக்ரம் 2 போன்ற திரைப்படங்கள் வருவதாக சொல்லப்படும் நிலையில், தளபதி விஜயின் 67-வது திரைப்படத்தை லோகேஷ் கனகராஜ் இயக்க இருப்பது கிட்டத்தட்ட உறுதியாகியுள்ளது.
இந்நிலையில் பெங்களூரில் உள்ள ஒரு பிரபல நிறுவன ம் சினிமா தயாரிப்பில் ஈடுபடவுள்ளதாக புதிய தகவல் வெளியாகியுள்ளது. இந்த நிறுவன கேஜிஎப் மற்றும் கேஜிஎப் 2 திரைப்படங்களின் மூலம் பிரபலமான கன்னட நடிகர் யஷ் நடிக்கும் திரைப்படத்தை முதன்முதலாக தயாரிக்க இருப்பதாக கூறப்படுகிறது. மேலும் பிரபல நிறுவனத்தின் தயாரிப்பில் யஷ் நடிக்கும் புதிய படத்தை இயக்குனர் லோகேஷ் கனகராஜ் இயக்க இருப்பதாகவும் கூறப்படுகிறது. மேலும் இந்த தகவல் குறித்த அதிகாரப்பூர்வ அறிவிப்பு எதும் வெளியாகாத நிலையில், யஷ் மற்றும் லோகேஷ் கனகராஜ் இணைவதாக வெளியான தகவலால் ரசிகர்கள் மிகுந்த எதிர்பார்ப்பில் இருக்கின்றனர்.