தமிழ் சினிமாவில் சின்னத்திரையில் இருந்து வெள்ளி திரைக்கு அறிமுகமாகி தனக்கென தனி ரசிகர்கள் பட்டாளத்தை உருவாக்கியவர் நடிகர் சிவகார்த்திகேயன். இவர் நடிப்பில் அண்மையில் வெளியான டாக்டர் மற்றும் டான் திரைப்படங்கள் பாக்ஸ் ஆபிஸில் 100 கோடி ரூபாய் வரை வசூல் செய்து சாதனை புரிந்தது. இந்த படத்திற்கு பிறகு நடிகர் சிவகார்த்திகேயன் நடித்துள்ள பிரின்ஸ் திரைப்படம் திரையரங்குகளில் ரிலீஸ் ஆகிறது. அதன்பிறகு நடிகர் சிவகார்த்திகேயன் தற்போது மாவீரன் என்ற திரைப்படத்திலும் நடித்து வருகிறார். இப்படத்தில் சிவாவுக்கு ஜோடியாக அதிதி சங்கர் நடிக்கிறார். இந்நிலையில் பிரின்ஸ் படத்தின் ப்ரோமோஷன் நிகழ்ச்சியில் கலந்து கொண்ட சிவகார்த்திகேயன் அயலான் படம் குறித்து பேசி உள்ளார்.
அதாவது தமிழ் சினிமாவில் அயலான் போன்ற படத்தை இதுவரை யாருமே பார்த்திருக்க மாட்டீர்கள். இனிமே பார்ப்பீங்க என்று கூறினார். இந்த படம் அடுத்த வருடம் ரிலீஸ் ஆக இருக்கிறது என்றார். இந்த தகவலால் படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது. மேலும் அயலான் திரைப்படத்தின் ஷூட்டிங் கடந்த 2 வருடங்களாக நடைபெற்று வரும் நிலையில், நிதி பிரச்சனை காரணமாக பலமுறை ஷூட்டிங் தள்ளி வைக்கப்பட்டுள்ளது. இந்தப் படத்தில் ரகுல் ப்ரீத் சிங் ஹீரோயினாக நடிக்க, நேற்று இன்று நாளை திரைப்படத்தை இயக்கிய ரவிக்குமார் இயக்கியுள்ளார். இப்படம் ஏலியன் மற்றும் சயின்ஸ் பிக்சன் மற்றும் கிராபிக்ஸ் படமாக அயலான் இருக்கும் என ஏற்கனவே பட குழுவினர் அறிவித்துள்ளனர் என்பது குறிப்பிடத்தக்கதாகும்.