திலீப், தமன்னா நடிக்கும் திரைப்படத்தில் இரண்டு நடிகர்கள் இணைய இருப்பதாக தகவல் வெளியாகியுள்ளது.
தமிழ் சினிமா உலகில் முன்னணி நடிகராக வலம் வருகின்றார் தமன்னா. இவர் விஜய், அஜித், சூர்யா, தனுஷ், விஷால் என அனைத்து முன்னணி நடிகர்களோடும் இணைந்து நடித்துள்ளார். தற்பொழுது இவருக்கு தெலுங்கு திரைப்படங்களில் வாய்ப்பு கிடைத்ததால் அதில் கவனம் செலுத்தி வருகின்றார்.
இந்த நிலையில் தமன்னா மலையாளத்தில் அறிமுகமாக இருப்பதாக செய்தி வெளியாகி இருக்கின்றது. மேலும் அத்திரைப்படத்தில் அருண்கோபி இயக்க திலீப் ஹீரோவாக நடிக்க இருக்கின்றாராம். இத்திரைப்படத்தின் பூஜை அண்மையில் கொல்லத்தில் இருக்கும் கொட்டாரக்கரை ஸ்ரீ மகா கணபதி ஆலயத்தில் நடந்தது. இந்த நிலையில் இந்த திரைப்படத்தில் ஈஸ்வரி ராவ் மற்றும் நகைச்சுவை நடிகர் விடிவி கணேஷ் முக்கிய வேடத்தில் நடிக்க இருப்பதாக ஒப்பந்தமாகியுள்ளார்கள்.
