மலையாள திரையுலகில் பிரபல நடிகையாக வலம் வருபவர் நடிகை ஐஸ்வர்யா லக்ஷ்மி. அவர் நடிப்பில் வெளியான மாய நதி, வரதன், காணக்கானணே போன்ற மலையாள திரைப்படங்கள் விமர்சன ரீதியாகவும் மிகச்சிறந்த வரவேற்பை பெற்றுள்ளது. இதனை தொடர்ந்து தமிழில் ஆக்சன், ஜகமே தந்திரம், கார்க்கி போன்ற படங்களில் தனது நடிப்பாற்றலை வெளிப்படுத்தி உள்ளார்.
அதிலும் குறிப்பாக பொன்னியின் செல்வன் திரைப்படத்தில் பூங்குழலி என்னும் கதாபாத்திரத்தில் நடித்துள்ள இவர் தோற்றமும் நடிப்பும் ரசிகர்களை பெருமளவு கவர்ந்துள்ளது. இந்த சூழலில் தெலுங்கில் அவர் நடித்து முடித்திருந்த அம்மு படத்தின் டிரைலர் பட குழுவினர் வெளியிட்டு இருக்கின்றனர். தமிழ், மலையாளம், கன்னடம், ஹிந்தி போன்ற மொழிகளில் டப்பிங் செய்யப்பட்ட இந்த படம் அமேசான் பிரைம் தளத்தில் வருகின்ற அக்டோபர் 19ஆம் தேதி வெளியாக இருக்கிறது.