தமிழ் திரையுலகில் பிரபலமான இயக்குனராகவும், தயாரிப்பாளராகவும் புகழ் பெற்றவர் இயக்குனர் மணிரத்னம். இவர் தற்போது கல்கியின் புகழ்பெற்ற “பொன்னியின் செல்வன்” நாவலை அடிப்படையாகக் கொண்டு பொன்னியின் செல்வன்-1 திரைப்படத்தை மணிரத்தினம் இயக்கியுள்ளார். இந்த திரைப்படத்தில் கார்த்தி, விக்ரம், ஜெயம் ரவி, ஐஸ்வர்யா ராய், த்ரிஷா உள்ளிட்ட முன்னணி நட்சத்திரங்கள் நடித்துள்ளனர். இந்தத் திரைப்படம் செப்டம்பர் 30ஆம் தேதி திரையரங்குகளில் வெளியாகி தொடர்ந்து அரங்கு நிறைந்த காட்சிகளாக ஓடிக்கொண்டே வருகிறது.
குழந்தைகள் முதல் பெரியவர்கள் வரை அனைவரையும் இந்த படம் கவர்ந்து உள்ளது. இப்படம் வசூலில் மட்டுமே இதுவரை உலக அளவில் பல நூறு கோடிகளை கடந்து உள்ளது. இந்நிலையில் தொடர்ந்து ஒவ்வொரு முன்னணி நட்சத்திரங்களின் படங்களின் வசூல் சாதனையை முறியடித்து வரும் ‘பொன்னியின் செல்வன்’ ரஜினிகாந்த் நடித்து வெளிவந்த 2.0 படத்தின் வசூல் சாதனையும் முறியடித்தது. அமெரிக்காவில் 2.0 திரைப்படம் $5.50 M வசூல் செய்தது. அந்த வசூலை கடந்து 2.0 படத்தின் சாதனை பொன்னியின் செல்வன் முறியடித்துள்ளதாக தெரியவந்துள்ளது.