முதல்வர் ஸ்டாலின் திமுக தலைவர் பொறுப்பை ஏற்றபின் சட்டமன்றத் தேர்தலில் வெற்றி நாடாளுமன்ற தேர்தலில் வெற்றி பெற்றிருக்கின்றோம். உள்ளாட்சி தேர்தலில் ஆளும் கட்சி மட்டும் வெற்றி எனும் நிலையை மாற்றி ஆளும் கட்சியாகவே அதிமுக இருந்த போதிலும் வெற்றி பெற்றுள்ளோம். முதல்வர் ஸ்டாலின் முதலமைச்சர் ஆன பின்னரும் நாம் வெற்றி பெற்றுள்ளோம் அதனால் நான்கு வெற்றிகளை பெற்றிருக்கின்றோம். இப்படி அவர்கள் வெற்றி பெற்று இருக்கின்றார்களா இந்த வெற்றி இதோடு நிற்காது இப்போது ஒவ்வொரு அமைச்சரின் செயலையும் சிந்தனையும் நான் பார்த்துக் கொண்டிருக்கின்றேன்.
தனது பொன்னான நேரத்தை வீணடிக்காமல் உழைத்துக் கொண்டிருக்கின்ற முதல்வர் ஸ்டாலினை பார்க்கும்போது எல்லாருக்கும் உற்சாகம் வந்துவிட்டது தற்போது நாடாளுமன்ற தேர்தலில் பாஜக கூட்டணி சேர்ந்து விட்டால் அவ்வளவுதான் என தெரிவிக்கின்றார்கள். இந்த நிலையில் இந்த கட்சி சேர்ந்தால் அவ்வளவுதான். அந்த கட்சி சேர்ந்தால் அவ்வளவுதான் என்று சொல்கின்றார்கள். வரப்போகிற நாடாளுமன்ற தேர்தலில் எல்லா கட்சிகளும் சேர்ந்தாலும் திமுக தனித்து நின்று வெற்றி பெற முடியும் என்பதை நாங்கள் நிரூபிக்க தயாராக இருக்கின்றோம். மேலும் இதை நான் ஏதோ மேடைப் பேச்சுக்காக கூறவில்லை நான் உறுதியாக கூறுகின்றேன். 20 வருடங்கள் தமிழகத்தின் முதலமைச்சராக முதல்வர் ஸ்டாலின் தான் இருக்க வேண்டும் என்பதை மக்கள் விரும்புகின்றார்கள் என ஐ பெரிய சாமி கூறியுள்ளார்.