தமிழ் சினிமாவில் முன்னணி நடிகராக வலம் வருபவர் விஜய். இவர் தற்போது வாரிசு படத்தில் நடித்து வருகிறார். இந்த படத்தில் இவருக்கு ஜோடியாக ராஷ்மிகா மந்தனா நடிக்கிறார். தனது 67வது படத்தில் கேங்ஸ்டர் கதையில் விஜய் நடிக்க போகிறார். இந்த படத்தில் அவருக்கு வில்லனாக அர்ஜுன், சஞ்சய் சத், பிரித்விராஜ், விஜய் சேதுபதி, கவுதம் மேனன் உள்ளிட்ட பலர் நடிப்பதாக தகவல்கள் வெளியானது. இந்நிலையில் தற்போது லோகேஷ் கனகராஜ் இயக்கத்தில் கமல் நடித்த விக்ரம் படத்தில் ரோலக்ஸ் வேடத்தில் நடித்த சூர்யாவும் இந்த படத்தில் அதே ரோலக்ஸ் வேடத்தில் முக்கிய வில்லனாக சிறப்பு வேடத்தில் நடிக்க போவதாக ஒரு புதிய தகவல் வெளியாகி உள்ளது.
அதுமட்டுமில்லாமல் கமலின் விக்ரம் படத்தில் ஐந்து நிமிடங்கள் மட்டுமே வந்த சூர்யா காட்சி இடம்பெற்ற நிலையில் விஜய் படத்தில் சற்று நீண்ட நேரம் இருக்கும் என்று கூறப்படுகிறது. அதன்படி விஜயுடன் நேருக்கு நேர் என்ற படத்தில் அறிமுகமான சூர்யா. அதன் பிறகு பிரண்ட்ஸ் படத்தில் நடித்தவர். இப்போது மூன்றாவது முறையாக விஜய் 67 படத்தில் இணைய போகிறார் என ரசிகர்கள் வைரலாக்கி வருகின்றனர் .ஆனால் இது குறித்து படக்குழு அதிகாரப்பூர்வமான அறிவிப்பை அறிவிக்கவில்லை.