டிரைக்டர் அபிஜித் தேஷ் பாண்டே எழுதி இயக்கி இருக்கும் திரைப்படம் “ஹர ஹர மஹாதேவ்”. இந்த திரைப்படத்தில் சத்ரபதி சிவாஜி மகாராஜனாக சுபோத் பாவேயும், பாஜி பிரபு தேஷ்பாண்டேவாக ஷரத் கேல்கரும் நடித்து இருக்கின்றனர். ஜி ஸ்டூடியோஸ் தயாரித்து உள்ள இந்த படம் இந்தி, தமிழ், தெலுங்கு மற்றும் கன்னடம் உட்பட 5 மொழிகளில் உருவாகி இருக்கிறது. அதுமட்டுமின்றி இப்படத்தில் “வா ரே வா ஷிவா” பாடலை சித்ஸ்ரீராம் பாடியுள்ளார்.
அதுமட்டுமின்றி “ஹர ஹர மஹாதேவ்” திரைப்படத்தின் தலைப்புப் பாடலுக்கு ஷங்கர் மகாதேவன் குரல் கொடுத்துள்ளார். 300 வீரர்கள் இணைந்து 12000 பேர்கள் கொண்ட எதிரி ராணுவத்தை எதிர்த்துப் போராடி (பாஜி பிரபு தலைமையில்) வெற்றிபெற்ற, நம் வரலாற்றில் நடைபெற்ற ஒரு உண்மையான போரை மையமாக கொண்டு உருவாகி இருக்கும் இப்படம் இந்தியா எங்கும் அக்டோபர் 25ம் தேதி ஜி ஸ்டூடியோஸ் நிறுவனத்தால் வெளியிடப்பட இருக்கிறது குறிப்பிடத்தக்கது.