மணிரத்தினம் இயக்கத்தில் பிரம்மாண்டமாக உருவாகியுள்ள பொன்னியின் செல்வன் திரைப்படம் கடந்த வெள்ளியன்று உலகம் முழுவதும் வெளியானது. இந்த படம் இரண்டு நாட்களில் உலகம் முழுவதும் 150 கோடி வசூல் சாதனை படைத்தது. முதல் நாள் மட்டும் 80 கோடி வசூல் சாதனை படைத்தது. தொடர் விடுமுறை மற்றும் பண்டிகைகள் காரணமாக இந்த வசூல் தொகை மேலும் அதிகரிக்கலாம் என்று எதிர்பார்க்கப்பட்ட நிலையில் தமிழ்நாட்டில் ரூ.100 கோடியை தாண்டி வசூல் சாதனை படைத்துள்ளது.
உலகம் முழுவதும் இப்படம் ரூ.300 கோடியை தாண்டி வசூலித்துள்ளது. ரசிகர்கள் மத்தியில் பெரும் வரவேற்பை பெற்றுள்ள “பொன்னியின் செல்வன்” திரைப்படம் வெளியான 6 நாட்களில் ரூ. 350 கோடிக்கு மேல் வசூல் செய்து சாதனை படைத்துள்ளது. தமிழகத்தில் ரூ.123 கோடி, கேரளா ரூ.17 கோடி, ஆந்திரா தெலங்கானா .19 கோடி, கர்நாடகா ரூ.18 கோடி, வட இந்தியா ரூ.18 கோடி என உலகம் முழுவதும் ரூ.350 கோடி மேல் வசூல் செய்துள்ளது. தமிழ் சினிமா வரலாற்றில் குறைந்த நாளில் ரூ.300 கோடிக்கு மேல் வசூல் செய்த முதல் படம் என்ற பெறுமையை PS1 பெற்றுள்ளது.