ஜிவி பிரகாஷ் தமிழ்த் திரைப்பட நடிகரும் மற்றும் இசையமைப்பாளர் ஆவார். இவர் புகழ் பெற்ற இசையமைப்பாளர் ஏ. ஆர். ரஹ்மானுடைய அக்காவின் மகனும் ஆவார். எஸ். சங்கரின் தயாரிப்பிலும், வசந்தபாலனின் இயக்கத்திலும் உருவானதும், விமர்சகர்களால் பாராட்டப்பட்டதுமான வெயில் என்னும் திரைப்படத்தின் மூலம் இவர் இசையமைப்பாளராக அறிமுகமானார். இப்படத்தில் பாடல்கள் அனைத்தும் மக்களிடையே நல்ல வரவேற்பைப் பெற்றன. இவர் இசையமைத்த கிரீடம் திரைப்படப் பாடல்களும் பலத்த வரவேற்புப் பெற்றவையாகும். தமிழ்த் திரைப்படத்துறையில் இவர் ஒரு கடின உழைப்பாளியாக விளங்குகிறார்.
இந்நிலையில் தேர்வு கட்டணம் செலுத்த ட்விட்டரில் உதவி கேட்ட மாணவிக்கு இசையமைப்பாளர் ஜிவி பிரகாஷ் உதவி செய்துள்ளார். ட்விட்டரில் மாணவி ஒருவர் தான் கும்பகோணத்தில் உள்ள கல்லூரி ஒன்றில் பிசிஏ படிப்பதாகவும், இந்த மாதம் தொடங்கவுள்ள தேர்வுக்கு கட்டணம் செலுத்த உதவி செய்யுமாறும் ஜிவி பிரகாஷிடம் கேட்டிருந்தார். இந்நிலையில் அவருடைய விவரங்களை பெற்ற ஜிவி பிரகாஷ், ஜிபே மூலம் பணம் அனுப்பியதாக தெரிவித்தார். இதற்கு பலரும் வாழ்த்து தெரிவித்து வருகின்றனர்.