ஆந்திர மாநிலத்தில் உள்ள திருப்பதியில் கல்யாண் என்பவர் வசித்து வருகிறார். இவர் கடந்த 2 வருடங்களுக்கு முன்பாக கடப்பா மாவட்டத்தை சேர்ந்த விமலா என்ற பெண்ணை காதலித்து திருமணம் செய்துள்ளார். இவர்கள் 2 பேரும் டக்கிலி பகுதியில் வசித்து வந்துள்ளனர். கடந்த சில நாட்களுக்கு முன்பாக விசாகப்பட்டினத்தை சேர்ந்த நித்யஸ்ரீ என்ற இளம் பெண் விமலாவை தனியாக சந்தித்து பேசியுள்ளார். அந்தப் பெண் விமலாவிடம் நானும் கல்யாணும் உங்களுக்கு திருமணம் ஆவதற்கு முன்பாக காதலித்து வந்தோம். ஆனால் கருத்து வேறுபாடு காரணமாக இருவரும் பிரிந்து விட்டோம். இருப்பினும் பல இடங்களில் நான் கல்யாணை தேடி பார்த்தும் அவர் எனக்கு கிடைக்கவில்லை. என்னால் அவரை மறக்க முடியாததால் தான் நான் தேடி வந்தேன்.
எங்கள் 2 பேரையும் சேர்த்து வையுங்கள் என்று கூறியுள்ளார். இதைக் கேட்ட விமலா அந்த பெண்ணை சமாதானம் செய்து அங்கிருந்து அனுப்பி வைத்துள்ளார். அதன்பிறகு ஒரு வினோதமான முடிவினை விமலா எடுத்துள்ளார். அதாவது தன்னுடைய கணவருக்கு நித்ய ஸ்ரீயை திருமணம் செய்து வைப்பதற்கு விமலா முடிவு செய்துள்ளார். தன்னுடைய முடிவை பற்றி 2 பேரிடமும் கூறியுள்ளார். அதற்கு இருவரும் சம்மதித்ததால் திருப்பதியில் உள்ள ஒரு கோவிலில் வைத்து கல்யாணுக்கும் நித்யஸ்ரீக்கும் திருமணம் நடந்தது. இந்த திருமணத்திற்கு விமலா தலைமை தாங்கினார்.
இவர்கள் 3 பேருமே டிக் டாக் பிரபலங்கள் தான். திருமணம் முடிந்த கையோடு 3 பேருமே ஊரை விட்டு ஓடிவிட்டனர். இவர்களை பல பத்திரிகையாளர்கள் பேட்டி எடுப்பதற்காக தேடியும் கிடைக்கவில்லை. இந்நிலையில் 2 மனைவிகளின் தொல்லை தாங்க முடியாமல் கல்யான் வீட்டை விட்டு ஓடி தலைமறைவாகி விட்டதாக தற்போது தகவல்கள் வெளியாகியுள்ளது. அதாவது விமலா ஏற்கனவே திருமணம் ஆகி 2 குழந்தைகளுக்கு தாயானவராம். இது அந்த ஊர் பஞ்சாயத்து உட்பட அனைவருக்கும் தெரியுமாம். அப்படி இருந்தும் கல்யாணை 2-வதாக திருமணம் செய்துள்ளார். இவர் 2-வதாக கல்யாணை திருமணம் செய்தது போன்று தன்னுடைய கணவருக்கும் 2-வது திருமணத்தை செய்து வைத்துள்ளார்.
அதோடு கல்யாண் மற்றும் நித்யஸ்ரீ உடன் தான் தானும் இருப்பதாக ஒரு சத்தியத்தையும் திருமணத்திற்கு முன்பாக விமலா வாங்கியுள்ளார். இந்த சத்தியம் தான் பின் பூதாகரமாக வெடித்துள்ளது. அதாவது நித்யஸ்ரீ தன்னுடைய கணவனை தொல்லை செய்து விமலாவை அவருடைய முதல் கணவருடன் அனுப்பி வைக்குமாறு கூறியுள்ளார். இதனால் ஆத்திரம் அடைந்த விமலா 3 பேரும் ஒன்றாக இருப்போம் என்று சத்தியம் செய்துவிட்டு என்னை வீட்டை விட்டு போக சொன்னால் எப்படி என்று சண்டை போட்டுள்ளார். இவர்கள் 2 பேரின் தொல்லையையும் தாங்க முடியாத கல்யாண் விட்டு ஓடியே போய்விட்டாராம். மேலும் தற்போது தங்களுடைய கணவரை நித்யா ஸ்ரீ மற்றும் விமலா இருவரும் வலை வீசி தேடி வருகின்றனர்.