கடந்த மாதம் Samsung நிறுவனத்தின் கேலக்ஸி Z ப்ளிப் 4 ஸ்மார்ட்போன் இந்திய சந்தையில் விற்பனைக்கு வந்தது. இந்த ஸ்மார்ட்போன் 3 விதமான நிறங்களில் கிடைக்கிறது. இந்நிலையில் புளூ நிற வேரியண்டில் கிடைக்கும் கேலக்ஸி Z ப்ளிப் 4 ஸ்மார்ட்போன் குவால்காம் ஸ்னாப்டிராகன் 8 பிளஸ் ஜென் 1 பிராசஸர், 3700 எம்ஏஹெச் பேட்டரி, சூப்பர் பாஸ்ட் சார்ஜிங் வசதி ஆகியவற்றை கொண்டிருக்கிறது. Samsung கேலக்ஸி Z ப்ளிப் 4 புளூ நிற வேரியண்ட்டின் 8 gb ரேம், 128 gb மெமரி மாடல் விலை ரூ. 89, 999 என்றும், 8 gb ரேம், 256 gb மெமரி மாடல் விலை ரூ. 94,999 என நிர்ணயம் செய்யப்பட்டுள்ளது.
Samsung ஆன்லைன் ஸ்டோர் மற்றும் முன்னணி ஆன்லைன் வலைதளங்கள் ஆகியவற்றில் இந்த ஸ்மார்ட்போனை வாங்கலாம். புதிய Samsung கேலக்ஸி Z ப்ளிப் 4 ஸ்மார்ட்போன் வாங்குவோர் ரூ. 31,999 மதிப்புள்ள கேலக்ஸி வாட்ச் 4 மாடலை ரூ. 2, 999 விலையில் வாங்குவதோடு, தேர்வு செய்யப்பட்ட வங்கி கார்டுகளை பயன்படுத்தும் போது ரூ. 7 ஆயிரம் வரை கேஷ்பேக் பெற முடியும்.