தமிழ் சினிமாவில் பல முன்னணி நடிகர்களின் படங்கள் தியேட்டர்களில் ரிலீசான பிறகு ஓடிடி தளங்களில் ரிலீஸ் ஆகிறது. இந்த ஓடிடி தளத்தில் பெரும்பாலான ரசிகர்கள் படங்களை பார்ப்பதற்கு ஆர்வம் காட்டி வருகின்றனர். இந்நிலையில் சமீகாலமாகவே அடுத்தடுத்து வெளிவரும் பல முன்னணி நடிகர்களின் படங்களை ஓடிடி நிறுவனங்கள் வாங்குவதற்கு ஆர்வம் காட்டி வருகிறது. அந்த வகையில் தளபதி விஜய்யின் வாரிசு படத்தை ஒரு ஓடிடி நிறுவனம் மிகப்பெரிய தொகைக்கு வாங்கியுள்ளது.
அதன் பிறகு மணிரத்தினம் இயக்கத்தில் வெளியான பொன்னியின் செல்வன் திரைப்படத்தையும் ஒரு ஓடிடி நிறுவனம் மிகப்பெரிய தொகைக்கு வாங்கியுள்ளது. இதேபோன்று அஜித் நடித்துவரும் துணிவு திரைப்படத்தையும் ஒரு ஓடிடி நிறுவனம் வாங்கியுள்ளதாக கூறப்படுகிறது. மேலும் பாலிவுட் நடிகர் ஷாருக்கான் நடிக்கும் ஜவான் படம் மற்றும் சிவகார்த்திகேயனின் பிரின்ஸ் படத்தையும் ஓடிடி நிறுவனங்கள் மிகப்பெரிய தொகைக்கு வாங்கியுள்ளது.