விஜய் ஆண்டனி நடிக்கும் கொலை திரைப்படத்தின் இரண்டாவது பாடல் வெளியாகியுள்ளது.
தமிழ் சினிமாவில் பிரபல நடிகராகவும், இசையமைப்பாளராகவும் வலம் வருபவர் விஜய் ஆண்டனி. இவர் நடிப்பில் அக்னி சிறகுகள், காக்கி, தமிழரசன், மழை பிடிக்காத மனிதன், ரத்தம் போன்ற திரைப்படங்கள் அடுத்தடுத்து ரிலீசுக்கு காத்திருக்கின்றன. இதனையடுத்து இயக்குனர் பாலாஜி குமார் இயக்கத்தில் இவர் நடிக்கும் திரைப்படம் ”கொலை”. சிவகுமார் விஜயன் ஒளிப்பதிவு செய்யும் இந்த படத்திற்கு செல்வா படத்தொகுப்பு செய்துள்ளார்.
இந்த படத்தில் கதாநாயகியாக ரித்திகா சிங் நடிக்கிறார். மேலும், இந்த படத்தில் அர்ஜுன் சிதம்பரம், முரளி சர்மா, ராதிகா மற்றும் பலர் நடிக்கின்றனர். அண்மையில் இப்படத்தின் முதல் பாடல் மற்றும் டிரைலர் வெளியானது. இந்த நிலையில் இத்திரைப்படத்தின் இரண்டாவது பாடலான “பார்த்த ஞாபகம் இல்லையோ” வெளியாகி இருக்கின்றது. இதனை இசையமைப்பாளர் ஏ.ஆர்.ரகுமான் தனது இணையதள பக்கத்தில் வெளியிட்டுள்ளார்.