மாத சம்பளத்தில் பிஎப் கழிக்கப்படும் நபராக நீங்கள் இருப்பின், இத்தகவல் உங்களுக்கு மிகவும் முக்கியமானதாக இருக்கும். பிஎப் கணக்கின் கெஒய்சி செய்வதை அரசாங்கம் கட்டாயமாக்கி இருக்கிறது. இதன் கீழ் இபிஎப் கணக்கு வைத்திருப்போர் ஆதார்அட்டை உட்பட வேறு சில முக்கிய ஆவணங்களின் தகவலை தங்களது கணக்குடன் புதுப்பித்துக்கொள்வது மிகவும் முக்கியமாகும். இபிஎப்ஓ, கணக்கு வைத்திருக்கும் அனைவருக்கும் சில சிறந்த அம்சங்களை வழங்கி இருக்கிறது.
இதன் உதவியுடன் உங்களது இபிஎஃப் கணக்கின் கெஒய்சி-ஐ எங்கும் எந்நேரத்திலும் புதுப்பிக்கலாம். இபிஎப் கணக்கின் கெஒய்சி-ஐப் புதுப்பிப்பதில் பல்வேறு நன்மைகள் இருக்கிறது. நீங்கள் இதனைச் செய்யவில்லை எனில், பல சிக்கல்களைச் சந்திக்க வேண்டியிருக்கும். உங்கள் இபிஎப் கணக்கின் கெஒய்சி -ஐ நீங்கள் புதுப்பிக்கவில்லை எனில், உங்கள் இபிஎப் கணக்கு குறித்த பல்வேறு ஆன்லைன் சேவைகளைப் பெறமுடியாது. கெஒய்சி-ஐ புதுப்பிக்காமல் உங்களது பிஎப் கணக்கிலிருந்து பணத்தை எடுக்கவோ (அல்லது) இநாமினேஷனைத் தாக்கல் செய்யவோ இயலாது. இதுதவிர்த்து உங்களது பிஎப் கணக்கை டிரான்ஸ்பர் செய்யவும், அதாவது மாற்றவும் முடியாது.
பிஎப் கணக்கில் கெஒய்சி-ஐ புதுப்பிப்பது எப்படி?…
# முதலாவதாக இபிஎப்ஓ-வின் அதிகாரப்பூர்வமான வலைத்தளமான https://unifiedportal-mem.epfindia.gov.in/memberinterface/-க்கு செல்ல வேண்டும்.
# தற்போது உங்கள் 12 இலக்க UAN எண், கடவுச் சொல் மற்றும் கேப்ட்சா குறியீட்டை உள்ளிட்டு லாக்இன் செய்யவும்.
# அவ்வாறு லாக்இன் செய்தபின், ஒரு புது பக்கம் திறக்கும். பக்கத்தின் மேலே ஒரு பச்சைப் பட்டி தோன்றும். அவற்றில் Manage (நிர்வகி) என்று எழுதப்பட்டு இருப்பதைக் காண்பீர்கள்.
# அந்த Manage என்பதைக் கிளிக்செய்த பின், நீங்கள் சில ஆப்ஷன்களைக் காண்பீர்கள். அவற்றில் ஒரு ஆப்ஷன் “KYC” ஆக இருக்கும். KYC-ஐ கிளிக்செய்ய வேண்டும்.
# KYC-ஐ கிளிக் செய்தபின், உங்கள் திரையில் ஒரு புது பக்கம் திறக்கும்.
# தற்போது உங்களிடமுள்ள அனைத்து ஆவணங்களின் முன்னால் உள்ள செக் பாக்ஸ்களை கிளிக் செய்து, அவற்றின் விபரங்களை நிரப்ப வேண்டும். ஆதார், வங்கி மற்றும் பான்கார்டு விபரங்களை நிரப்புவது கட்டாயம் என்பதை நினைவில்கொள்ளவும்.
# அவ்வாறு அனைத்து விபரங்களையும் பூர்த்திசெய்த பின், கீழே உள்ள Save (சேவ்) பொத்தானைக் கிளிக்செய்ய வேண்டும்.
# சேவ் என்பதைக் கிளிக் செய்தபின், உங்களின் அனைத்து விபரங்களும் ஒப்புதலுக்காக உங்கள் நிறுவனம்/முதலாளிக்கு அனுப்பப்படும். அதன்பின் உங்கள் முதலாளி அதனை அங்கீகரிப்பார். பின் உங்கள் KYC விபரங்கள் வெற்றிகரமாக புதுப்பிக்கப்படும்.