அமெரிக்காவில் ஹோட்டல் ஊழியர் ஒருவருக்கு வழங்கப்பட்ட டிப்ஸ் மிகப்பெரிய பேசு பொருளாக மாறி உள்ளது. பொதுவாக உணவகங்களில் உணவு பரிமாறும் நபர்களுக்கு பணம் கொடுப்பதை மக்கள் வாடிக்கையாக வைத்துள்ளனர். நாடுகள் பேதம் இல்லாமல் உலகம் முழுவதிலும் இந்த நடைமுறை இருக்கின்றது. ஊழியரை உற்சாகப்படுத்துவதற்காக மக்கள் இது போன்று கொடுத்து வருகின்றனர். இங்கு உணவு பரிமாறும் பணியை செய்து வருகிறார் மரியானா லாம்பர்ட். சமீபத்தில் இந்த உணவகத்திற்கு ஒருவர் வந்து 13 டாலருக்கு சாப்பிட்ட பிறகு அவருக்கு 3000 அமெரிக்க டாலர்களை டிப்ஸ் கொடுத்துள்ளார். இதனால் மரியா லாம்பர்ட்டிற்கு கண்ணீரே வந்துவிட்டது.
இந்த பில்லிங் புகைப்படம் சமூக வலைத்தளத்தில் வைரலானது. இதையடுத்து அடையாளம் தெரியாது நபர் ஒருவர் கொடுத்த மிகப்பெரிய டிப்ஸ் தொகையால் சந்தேகம் அடைந்த உணவக உரிமையாளர் அவர் மீது வழக்கு தொடர முடிவு எடுத்தார். இது குறித்து பேசிய உணவக உரிமையாளர் டிப்ஸ் வழங்குவது என்பது எதார்த்தமானது. ஆனால் நிறைய முட்டாள் தனத்தையும், நாடகத்தையும் இது வெளிப்படுத்துகிறது.. அதனால் துரதிஷ்டவசமாக நாங்கள் இதை மாஜிஸ்திரேட் அலுவலகம் மூலம் குற்றப்பத்திரிகை தாக்கல் செய்ய வேண்டியிருந்தது . இது ஒரு புறம் இருக்க ஹோட்டல் ஊழியருக்கு லட்ச கணக்கில் டிப்ஸ் வழங்கிய அந்த நபர் டிப்ஸ் பார் ஜீசஸ் என்ற சமூக ஊடக இயக்கத்தின் ஒரு பகுதியாக இவ்வாறு செய்ததாக தகவல் வெளியாகி உள்ளது.