தமிழ் சினிமாவில் முன்னணி நடிகராக வலம் வருபவர் தனுஷ். இவர் தனக்கென்று தனி ரசிகர் பட்டாளத்தையை உருவாக்கி உள்ளார். இவர் தற்போது இயக்குனர் செல்வராகவன் இயக்கத்தில் ‘நானே வருவேன்’ என்ற படத்தில் நடித்துள்ளார். இதில் நடிகர் தனுஷ் இரட்டை வேடத்தில் நடிக்கிறார். அவருக்கு ஜோடியாக இந்துஜா ரவிச்சந்திரன் நடிக்கிறார். இப்படத்தின் டீசர் சமீபத்தில் வெளியாகி நல்ல வரவேற்பை பெற்றது. அதனை தொடர்ந்து இயக்குனர் அருண் மாதேஸ்வரன் இயக்கத்தில் தனுஷ் கதாநாயகனாக நடிக்க உள்ளார். “கேப்டன் மில்லர்” என்ற பெயரிட்டுள்ள இப்படத்தை சத்யஜோதி ஃபிலிம்ஸ் தயாரிக்க உள்ளது.
இப்படத்தில் ஜி.வி. பிரகாஷ் இசையமைக்க உள்ளார். வரலாற்றுப் பாணியில் இந்த படம் உருவாக்க உள்ளதாக சமீபத்தில் வீடியோ வெளியானது. இந்நிலையில் இப்படத்தில் நடிக்க உள்ள கதாநாயகி குறித்து அதிகாரப்பூர்வமான அறிவிப்பு வெளியாகி உள்ளது. அதன்படி சிவகார்த்திகேயன் நடிப்பில் வெளியான டாக்டர், டான் படங்களில் கதாநாயகனாக நடித்த பிரியங்கா அருள்மோகன் நடிக்க உள்ளதாக தெரிவிக்கப்பட்டுள்ளது. இதனை இயக்குனர் தனது சமூக வலைதள பக்கத்தில் அறிவித்துள்ளார். இப்படத்தின் கதாநாயகி குறித்து அறிவிப்பை வெளியிட்டு ரசிகர்களின் எதிர்பார்ப்பை படக்குழு அதிகப்படுத்துகிறது
