இயக்குனர் எம்.ஏ.முருகேஷ் இயக்கத்தில் உருவாகி உள்ள புது திரைப்படம் “மர்டர் லைவ்”. இவற்றில் நடிகர் வினய்ராய் கதையின் நாயகனாக நடிக்க, அவருக்கு ஜோடியாக கன்னட நடிகை ஷர்மிளா மாண்ட்ரே நடித்து இருக்கிறார். இவர்களுடன் ஹாலிவுட் நடிகை நவோமி வில்லோ முக்கியமான வேடத்தில் நடித்து உள்ளார். பிரசாந்த் டி.மிஸாலே ஒளிப்பதிவு செய்துள்ள இத்திரைப்படத்திற்கு ஹிதேஷ் மஞ்சுநாத் இசையமைத்திருக்கிறார். சைக்கோ கிரைம்திரில்லர் ஜானரிலான இப்படத்தை டாட்காம் எண்டர்டெய்ன்ட் லிமிடெட் நிறுவனம் தயாரித்து இருக்கிறது. இந்த படத்தின் படப்பிடிப்பு நிறைவடைந்து இறுதிக்கட்டப் பணிகள் மும்முரமாக நடந்து வருகிறது.
இந்த நிலையில் மர்டர் லைவ் திரைப்படத்தின் பர்ஸ்ட் லுக் போஸ்டரை படக்குழு வெளியிட்டு இருக்கிறது. கூடியவிரைவில் சிங்கிள் ட்ராக் மற்றும் டீசர் வெளியாகும் என்று தெரிவிக்கப்பட்டுள்ளது. இதை ரசிகர்கள் சமூகவலைத்தளத்தில் வைரலாக்கி வருகின்றனர். இத்திரைப்படம் குறித்து இயக்குனர் கூறியது ”ஹாலிவுட்டில் வெளியாகிய ப்ளைன்ட் டேட், ஸ்கை ஹை, டெர்மினல் எக்ஸ்போசர், கிளிட்ச், இன் தி கோல்ட் நைட் போன்ற படங்களை எழுதி, இயக்கி, தயாரித்த தயாரிப்பாளர் நிக்கோ மாஸ்டோராகிஸ் இயக்கத்தில் வெளியான “டாட் காம் ஃபார் மர்டர்” என்ற ஆங்கில படத்தை தழுவி “மர்டர் லைவ்” எனும் இப்படம் தயாராகி இருக்கிறது.
புத்திசாலித்தனத்துடன்கூடிய கிரைம் திரில்லர் ஜானரில் உருவாகி உள்ள இத்திரைக்கதை புதுமையாகவும், ஸ்டைலிஷாகவும் இருக்கும். ஒரு சைக்கோ கொலையாளிக்கும், 4 பெண்களுக்கும் இடையில் நிகழும் சம்பவங்கள்தான் படத்தின் பரபர திரைக்கதை ஆகும். இத்திரைப்படம் முழுதும் இங்கிலாந்தில் படமாக்கப்பட்டது. நவீன தொழில்நுட்பத்தை பயன்படுத்தி முழுபடப்பிடிப்பும் நடந்தது. இந்த படத்தின் நாயகன் உலகில் அனைத்து இடத்திலும் உள்ள கணினி வாயிலாகவோ, இணையதளம் மூலமாகவோ ஊடுருவி, அதிர்ச்சியூட்டும் சம்பவங்களை அரங்கேற்றுவார். ஆக்சன் காட்சிகளும், பார்வையாளர்களால் எளிதில் யூகிக்கமுடியாத சுவாரஸ்யமான திருப்பங்களும் ரசிகர்களை வியக்க வைக்கும்” என்று கூறினார்.