சிம்பு நடிக்கும் பத்து தல திரைப்படத்தில் கெளதம் மேனன் வில்லனாக நடிப்பதாக அதிகாரபூர்வ அறிவிப்பு வெளியாகி உள்ளது.
குழந்தை நட்சத்திரமாக அறிமுகமாகி முன்னணி நடிகராக வலம் வருபவர் சிம்பு. இடையில் படவாய்ப்புகள் இல்லாமல் பல சறுக்கல்களை சந்தித்த இவர் மாநாடு திரைப்படத்தின் மூலம் ரீ-என்ட்ரி கொடுத்தார். அதன் பின் இவருக்கு டாக்டர் பட்டம், பல பட வாய்ப்புகள், விளம்பரங்கள், பிக்பாஸ் நிகழ்ச்சி என அடுத்தடுத்து அசத்தி பிஸியாக இருக்கின்றார் சிம்பு.
இவர் தற்போது கௌதம் மேனன் இயக்கத்தில் வெந்து தணிந்தது காடு திரைப்படத்தில் நடித்துள்ளார். ஏ.ஆர்.ரகுமான் இத்திரைப்படத்திற்கு இசையமைக்கின்றார். அண்மையில் இத்திரைப்படம் வெளியாகி நல்ல வரவேற்பை பெற்றுள்ளது.
இத்திரைப்படத்திற்கு முன்னதாகவே பத்து தல திரைப்படத்தில் நடிக்க ஒப்பந்தமானார் சிம்பு. இப்படத்தை சில்லுனு ஒரு காதல் பட இயக்குனர் கிருஷ்ணா இயக்க சிம்பு, கௌதம் கார்த்திக், ப்ரியா பவானி சங்கர், டிஜே மனுஷ்யபுத்திரன்உள்ளிட்டோர் நடிக்கின்றார்கள். இந்த நிலையில் இத்திரைப்படத்தில் இயக்குனர் கௌதம் மேனன், சிம்புவுக்கு வில்லனாக நடிப்பதாக இணையத்தில் அதிகாரபூர்வமாக அறிவித்துள்ளார். இதை பார்த்த ரசிகர்கள் கொண்டாடி வருகின்றார்கள். இத்திரைப்படமானது வருகின்ற டிசம்பர் மாதம் 14ஆம் தேதி திரையரங்கில் வெளியாக உள்ளது குறிப்பிடத்தக்கது.