இயக்குனர் ஷங்கருடன் இணைந்த 3 முன்னணி இயக்குனர்கள்… யாரெல்லாம் தெரியுமா…?

இயக்குனர் சங்கர் இயக்கத்தில் கமல்ஹாசன் இரட்டை வேடத்தில் நடித்திருந்த இந்தியன் திரைப்படம் ரசிகர்களிடம் பெரும் வரவேற்பு பெற்றுள்ளது. இதனை தொடர்ந்து 25 வருடங்களுக்கு பின் மீண்டும் சங்கர் இயக்கத்தில் இந்தியன் படத்தில் இரண்டாம் பாகம் உருவாகிக்கொண்டிருக்கிறது. இந்த படத்தில் சமுத்திரக்கனி, பாபி, சிம்கா, காஜல் அகர்வால், சித்தார்த், ராகுல் ப்ரீத்தி சிங், ப்ரியா பவானிசாகர்  போன்றோர் முக்கிய கதாபாத்திரங்களில் நடித்துள்ளனர். லைகா நிறுவனம் தயாரிக்கும் இந்த படத்திற்கு அனிருத் இசையமைத்துள்ளார். இந்தியன் 2 படத்தின் ஒரு கட்ட படப்பிடிப்பு முடிவடைந்து விட்டது என்றும் படத்தின் அடுத்த கட்ட படப்பிடிப்பு செப்டம்பர் மாதம் மூன்றாவது வாரத்தில் நடைபெறும் என சமீபத்தில் இயக்குனர் சங்கர் கூறியுள்ளார். மேலும் இந்தியன் 2 மற்றும் ஆர்சி 15 படத்தின் படப்பிடிப்புகள் ஒரே நேரத்தில் நடைபெற்றுக் கொண்டிருக்கிறது. இந்த சூழலில் இந்தியன் 2 படத்தில் 3 இயக்குனர்கள் இணை இருப்பதாக தெரிவிக்கப்படுகிறது. அதன்படி சங்கரிடம் உதவி இயக்குனராக பணியாற்றிய வசந்த பாலன், சிம்புதேவன், அறிவழகன் போன்றோர் இந்த படம் முழுவதும் தொடர்ந்து பணியாற்றி இருப்பதாக தகவல்கள் வெளியாகி இருக்கிறது.