நடிகர் அசோக் செல்வன் நடிக்கும் நித்தம் ஒரு வானம் திரைப்படத்தின் புதிய அப்டேட் வெளியாகியுள்ளது.
தமிழ் சினிமாவில் பிரபலமான நடிகராக வலம் வரும் அசோக் செல்வன் நடிப்பில் சமீபத்தில் மன்மத லீலை மற்றும் ஹாஸ்டல் என்ற திரைப்படங்கள் ரிலீஸ் ஆனது. இந்த படங்கள் ஓரளவு வெற்றி பெற்ற நிலையில், தற்போது அசோக் செல்வன் இயக்குனர் கார்த்திக் இயக்கத்தில் நித்தம் ஒரு வானம் என்ற திரைப்படத்தில் நடித்து வருகிறார்.
இந்தப் படத்தை வியோகம் ஸ்டூடியோஸ் தயாரிக்க, கோபி சுந்தர் இசையமைக்கிறார். இந்நிலையில் நித்தம் ஒரு வானம் திரைப்படம் தமிழ் மற்றும் மலையாளம் என இரு மொழிகளில் வெளியாக இருக்கும் நிலையில், அபர்ணா பாலமுரளி, ரித்து வர்மா மற்றும் சிவாத்மிகா ராஜசேகர் ஆகியோர் முக்கிய வேடங்களில் நடிக்கின்றனர்.
இதனையடுத்து தற்போது பட குழுவினர் ஒரு புதிய போஸ்டரை இணையத்தில் வெளியிட்டுள்ளனர். அந்த போஸ்டரின் படி ரித்து வர்மா சுபா என்ற கதாபாத்திரத்திலும், சிவாத்மிகா ராஜசேகர் மீனாட்சி என்ற கதாபாத்திரத்திலும், அபர்ணா பால முரளி மதி என்ற கதாபாத்திரத்திலும் நடிக்கின்றனர். மேலும் நித்தம் ஒரு வானம் திரைப்படத்தின் போஸ்டர் தற்போது இணையதளத்தில் வைரலாகி வருகிறது.
