சிம்புவின் வெந்து தணிந்தது காடு திரைப்படத்தில் ஹைலைட்டான விஷயங்கள் இருக்கும் என இணையத்தில் செய்தி பரவி வருகின்றது.
குழந்தை நட்சத்திரமாக அறிமுகமாகி முன்னணி நடிகராக வலம் வருபவர் சிம்பு. இடையில் படவாய்ப்புகள் இல்லாமல் பல சறுக்கல்களை சந்தித்த இவர் மாநாடு திரைப்படத்தின் மூலம் ரீ-என்ட்ரி கொடுத்தார். அதன் பின் இவருக்கு டாக்டர் பட்டம், பல பட வாய்ப்புகள், விளம்பரங்கள், பிக்பாஸ் நிகழ்ச்சி என அடுத்தடுத்து அசத்தி பிஸியாக இருக்கின்றார் சிம்பு.
இவர் தற்போது கௌதம் மேனன் இயக்கத்தில் வெந்து தணிந்தது காடு திரைப்படத்தில் நடித்து முடித்திருக்கிறார். ஏ.ஆர்.ரகுமான் இத்திரைப்படத்திற்கு இசையமைக்கின்றார். அண்மையில் இப்படத்தின் ட்ரைலர் மற்றும் இசைவெளியீட்டு விழா நடைபெற்றது. இப்படத்தில் கிராமத்து இளைஞனான சிம்பு ஊர்களில் கூலி வேலை செய்து வருகிறார். இத்திரைப்படம் நாளை (செப்டம்பர் மாதம் 15 ஆம் தேதி) வெளியாக உள்ளது.
இந்த நிலையில் இரண்டு பாகங்களாக உருவாகும் இத்திரைப்படத்தின் முதல் பாகத்தின் கடைசிப் பத்து நிமிடங்கள் ரசிகர்களை இரண்டாவது பாகத்திற்காக காத்திருக்க செய்யும் அளவிற்கு சிறப்பாக இருக்குமாம். மேலும் இத்திரைப்படத்தில் கடைசி பத்து நிமிடங்கள் ஹைலைட்டாக இருக்கும் என இணையத்தில் செய்தி பரவி வருகின்றது. இதனால் படத்தின் மீதான எதிர்பார்ப்பை ரசிகர்களுக்கு இடையே அதிகரிக்க செய்திருக்கின்றது.