தமிழ் சினிமாவில் மாநகரம், கைதி, மாஸ்டர், விக்ரம் ஆகிய படங்களை இயக்கி தனக்கென்று ஓர் இடத்தை பிடித்தவர் லோகேஷ் கனகராஜ். இவர் இயக்கத்தில் உருவாகி ஜூன் 3ஆம் தேதி வெளியான விக்ரம் திரைப்படம் ரசிகர்கள் மத்தியில் நல்ல வரவேற்பை பெற்றது. இந்தப் படம் ரூ.400 கோடி வசூலை அள்ளியது. இதனையடுத்து இயக்குனர் லோகேஷ் கனகராஜ் விஜய் நடிக்கும் 67வது படத்தை இயக்க உள்ளார். மாஸ்டர் படத்தின் வெற்றிக்கு பிறகு தளபதி 67 இந்த கூட்டணி மீண்டும் இணைந்துள்ளது. மேலும் சமீபத்தில் இந்த படத்தில் 6 வில்லன்கள் நடிக்க இருப்பதாக தகவல் வெளியாகி உள்ளது.
அதன்படி அர்ஜுன், கௌதம் மேனன், சஞ்சய் தத் ஆகியோர் வில்லன் கதாபாத்திரத்தில் நடிப்பது கிட்டத்தட்ட உறுதியாகியுள்ளது. இந்நிலையில் இப்படத்தில் சஞ்சய் தத் வில்லனாக நடிப்பது உறுதியாகியுள்ளதாகவும், அதற்காக அவருக்கு ரூ.10 கோடி சம்பளம் பேசப்பட்டதாகும் தகவல் வெளியாகியுள்ளது. சமீபத்தில் யாஷ் நடிப்பில் வெளியான KGF இரண்டாம் பாகத்தில் வில்லனாக சஞ்சய் மிரட்டி இருப்பார். இதனையடுத்து தளபதி 67 படத்தில் வில்லனாக சஞ்சய் நடிப்பதால் இப்படமும் ஒரு பான் இந்திய படமாக உருவாக வாய்ப்பு உள்ளது என்று தகவல் வெளியாகி வருகிறது.