பொங்கல் பண்டிகையை முன்னிட்டு ரயில் டிக்கெட் முன்பதிவு தொடங்கியுள்ளதாக ரயில்வே நிர்வாகம் அறிவித்துள்ளது.
பொங்கல் பண்டிகையை முன்னிட்டு ரயில் டிக்கெட் முன்பதிவு தொடங்கியுள்ளதாக ரயில்வே நிர்வாகம் அறிவித்துள்ளது. வருகிற 2023-ம் ஆண்டு ஜனவரி மாதம் 15-ம் தேதி பொங்கல் பண்டிகை கொண்டாடப்பட இருக்கிறது. இந்த பண்டிகையை முன்னிட்டு 120 நாட்களுக்கு முன்பாகவே டிக்கெட் முன்பதிவு தொடங்கப்பட்டுள்ள நிலையில், ஐஆர்சிடிசி இணையதளம் மற்றும் பயணசீட்டு கவுண்டர்கள் மூலம் டிக்கெட் முன்பதிவு செய்து கொள்ளலாம். அதன் பிறகு 2023-ஆம் ஆண்டு ஜனவரி மாதம் 10-ம் தேதி பயணம் செய்ய விரும்புபவர்கள் இன்று முதல் டிக்கெட் முன்பதிவு செய்து கொள்ளலாம்.
இதனையடுத்து ஜனவரி 11-ம் தேதி பயணம் செய்ய விரும்புபவர்கள் செப்டம்பர் 13-ஆம் தேதியும், ஜனவரி 12-ஆம் தேதி பயணம் செய்ய விரும்புபவர்கள் செப்டம்பர் 14-ஆம் தேதியும், ஜனவரி 13-ஆம் தேதி பயணம் செய்ய விரும்புபவர்கள் செப்டம்பர் 15-ஆம் தேதியும், ஜனவரி 14-ஆம் தேதி பயணம் செய்ய விரும்புவர்கள் செப்டம்பர் 16-ஆம் தேதியும், ஜனவரி 15-ஆம் தேதி பயணம் செய்ய விரும்புபவர்கள் செப்டம்பர் 17-ஆம் தேதியும் டிக்கெட் முன்பதிவு செய்து கொள்ளலாம். மேலும் ரயில்வே நிலையங்களில் காலை 8 மணி முதல் டிக்கெட் முன்பதிவு தொடங்கப்படும் என ரயில்வே நிர்வாக அதிகாரிகள் தெரிவித்துள்ளனர்.