பிஎஃப் சந்தாதாரர்கள் EPF/EPS கணக்கிற்கான நாமினேசனை ஆன்லைனில் தாக்கல் செய்யலாம் என்று இபிஎப் அமைப்பு தெரிவித்துள்ளது. இது குறித்து வெளியிட்டுள்ள twitter பக்கத்தில், உங்கள் குடும்பம் மற்றும் நாமினிக்கு சமூக பாதுகாப்பை உறுதி செய்ய UAN மூலம் ஆன்லைனில் இ-நாமினேஷன் செய்யுங்கள் என்று தெரிவித்துள்ளது. இதன் மூலமாக உறுப்பினர்கள் எந்த நேரத்திலும் நியமனத்தை புதுப்பித்துக் கொள்ளலாம். திருமணத்திற்கு பிறகு நாமினி புதுப்பிப்பு அவசியம் என்பதால் சுய அறிக்கையை போதுமானதாக மாற்றுவதன் மூலம் செயல்முறை சீராகவும் எளிதாகவும் செய்ய முயல்வதாக கூறியுள்ளது.
இது முக்கியமான விஷயம் என்னவென்றால் முதலாளியிடம் இருந்து ஒப்புதல் அல்லது ஆவணங்களை சமர்ப்பிக்க தேவை கிடையாது. ஒரு epf உறுப்பினர் ஏற்கனவே உள்ள EPF/EPS உறுப்பினர் ஏற்கனவே மாற்ற விரும்பினால் புதிய வேட்புமனுவை தாக்கல் செய்யலாம் என்றும் தெரிவித்துள்ளது இபிஎப் நாமினியை ஆன்லைனில் எப்படி மாற்றுவது என்பது குறித்து பார்க்கலாம். EPFO இணையதளத்தில் உள்நுழையவும் – epfindia.gov.in. முகப்புப் பக்கத்தில், service ஆஃப்சனை கிளிக் செய்து கீழ்தோன்றும் பட்டியலிலிருந்து ‘For Employees’ என்பதைக் கிளிக் செய்யவும். சேவைகள் பிரிவில் ‘உறுப்பினர் UAN/ஆன்லைன் சேவை (UAN online services) என்பதைக் கிளிக் செய்யவும். அடுத்து உங்கள் யூசர் ஐடி மற்றும் பாஸ்வேர்டை உள்ளிட்டு லாக்-இன் செய்யவும்.
அதன்பின் Manage Tab இல் உள்ள E- Nomination என்பதை கிளிக் செய்யவும். அதன்பின் தோன்றும் திரையில் நீங்கள் நாமினியாக சேர்க்க நினைக்கும் நபரின் பெயர், முகவரி மற்றும் வயது உட்படக் கேட்கப்படும் அனைத்து தகவல்களையும் உள்ளிடவும். 2 நபர்களுக்கு மேல் நாமினியைச் சேர்க்கலாம். சேர்த்த பிறகு Save EPF Nomination என்பதை கிளிக் செய்தால் அவர்களின் அனைத்து தகவல்களும் சேமிக்கப்படும். அதன்பின் ஒரு OTP கேட்கப்படும், அதற்கு e-sign to generate otp என்பதை கிளிக் செய்யவும். அதன்பின் உங்கள் ஆதாருடன் இணைக்கப்பட்ட மொபைல் நம்பருக்கு வரும் OTP ஐ உள்ளிட்டு Submit என்பதைக் கிளிக் செய்தால் அனைத்து தகவல்களும் உங்கள் கணக்கில் சேர்க்கப்பட்டுவிடும்.