இங்கிலாந்தின் புதிய பிரதமர் லிஸ் டிரஸ் அமெரிக்கா மற்றும் உக்ரைன் அதிபர்களுடன் பேச்சுவார்த்தை நடத்தியுள்ளார்.
இங்கிலாந்தின் பிரதமரான போரிஸ் ஜான்சன் தனது பிரதமர் பதவியை ராஜினாமா செய்தார். இதனால் புதிய பிரதமரை தேர்ந்தெடுப்பதற்கான தேர்தல் நடைபெற்றது. அதில் லிஸ் டிரஸ் புதிய பிரதமராக தேர்ந்தெடுக்கப்பட்டார். இந்நிலையில் இங்கிலாந்தின் புதிய பிரதமரான லிஸ் டிரஸ் அமெரிக்கா மற்றும் உக்ரைன் அதிபர்களுடன் தொலைபேசி மூலம் பேச்சுவார்த்தை நடத்தியுள்ளார். இது குறித்து இங்கிலாந்து பிரதமர் அலுவலகம் அறிக்கை ஒன்றை வெளியிட்டுள்ளது.
அதில் இங்கிலாந்தின் புதிய பிரதமர் லிஸ் டிரஸ் அமெரிக்க அதிபர் ஜோ பைடன் மற்றும் உக்கரை அதிபர் ஜெலன்ஸ்கி ஆகியோருடன் தொலைபேசி மூலம் பேசினார். அப்போது அவர்கள் இங்கிலாந்தின் புதிய பிரதமருக்கு வாழ்த்துக்கள் தெரிவித்துள்ளனர். இதனையடுத்து வடக்கு அயர்லாந்தின் அமைதியை பாதுகாப்பதன் முக்கியத்துவம் குறித்து பேசினர். மேலும் ரஷ்யா அதிபர் புதின் நடத்திவரும் போரினால் ஏற்பட்டுள்ள பொருளாதார பிரச்சினைகள் குறித்தும் விவாதித்துள்ளனர். ரஷ்யாவிற்கு எதிரான போரில் உக்ரைனுக்கு இங்கிலாந்து முழு ஆதரவளிக்கும் என்று லிஸ் டிரஸ் உறுதியளித்துள்ளார்.