ஜிம்மில் உடற்பயிற்சி செய்து கொண்டிருந்த பெண் திடீரென்று தலைகீழாக சிக்கிக்கொண்ட நேரத்தில் ஸ்மார்ட் வாட்ச் உதவியுடன் போலீசாரை அழைத்து அதிலிருந்து மீண்ட சம்பவம் வைரலாகி வருகின்றது. அமெரிக்காவின் வடகிழக்கு மாகாணத்தில் பெரீயா என்ற இடத்தில் உடற்பயிற்சி கூடம் ஒன்று உள்ளது. அங்கு உடற்பயிற்சிக்கு சென்றிருந்த கிறிஸ்டின் பால்டஸ் என்ற பெண் தலைகீழாக தொங்கியபடி உபகரணம் ஒன்றில் உடற்பயிற்சி செய்து கொண்டிருந்தார். ஒரு கட்டத்தில் அவரால் அதிலிருந்து கீழே இறங்க முடியவில்லை. அதில் சிக்கிக்கொண்டார்.
'This is so embarrassing' — A woman went viral after getting stuck upside down on an exercise machine and calling 911 for help 😅 pic.twitter.com/8nod8P6oQl
— NowThis Impact (@nowthisimpact) September 5, 2022
அவரின் பக்கத்தில் யாரும் இல்லை. ஜிம்மில் இருந்த ஜேசன் என்பவரை அவர் அழைத்துள்ளார். ஆனால் அங்கு அதிக சத்தத்துடன் பாட்டு இசைத்துக்கொண்டிருந்ததால், அவரின் அழைப்பு யாருக்கும் கேட்கவில்லை. இந்நிலையில் அவரது கையில் இருந்த ஸ்மார்ட் வாட்ச் பயன்படுத்தி அதன் வழியாக 911 என்ற எண்ணை தொடர்பு கொண்டு காவல் அதிகாரியை வரவழைத்துள்ளனர். அங்கு வந்த காவல் அதிகாரிகள் அவரை மீட்டனர். இது பற்றி அதிகாரிடம் கிறிஸ்டின் கூறும் போது மீட்புக்கான சாதாரண எண்ணை என்னால் தேட முடியவில்லை. ஜிம்மில் ஒரே ஒரு நபர் மட்டுமே இருந்துள்ளார். தலைகீழாக சிக்கிக்கொண்ட போது நான் அழைத்தும் யாரும் என்னை காப்பாற்ற வரவில்லை. தலைகீழாக இருந்த நான் மேலே வரவும் முடியாமல் தவித்தேன் என்று கூறியுள்ளார்.