அதிவிரைவு பேருந்துகளில் தங்கள் சொந்த ஊர்களுக்கு பயணம் மேற்கொள்பவர்களுக்கு இணையதளம் மூலம் முன்பதிவு செய்தால் திரும்பி வரும் டிக்கெட் கட்டணத்தில் 10 சதவீதம் தள்ளுபடி வழங்கப்படுகின்றது. இந்த புதிய நடைமுறை தற்போது அமலுக்கு வந்திருக்கிறது. இது தொடர்பாக அரசு விரைவு போக்குவரத்து கழக அதிகாரி பேசியபோது, 300 கிலோமீட்டர் அதிக தொலைவில் உள்ள மாவட்டங்களுக்கு இயக்கப்படும் பேருந்துகளில் டிக்கெட் முன்பதிவு செய்வதற்கான வசதி கடந்த 2006ம் வருடம் அமல்படுத்தப்பட்டது. தற்போது இணையதளம் மற்றும் செல்போன் செயலி மூலமாக ஒரு மாதத்திற்கு முன்பே டிக்கெட்டை முன்பதிவு செய்து கொள்ளலாம். இந்த நிலையில் அரசு விரைவு போக்குவரத்து கழகம் புதிய சலுகைகளை வழங்கி வருகின்றது. அதாவது பயணிகள் நீண்ட தூர பேருந்துகளில் பயணம் செய்வதை ஊக்குவிக்கும் விதமாக தனியார் ஆம்னி பேருந்துகள் மற்றும் ரயில்களில் பயணம் மேற்கொள்பவர்களை தங்கள் பக்கம் இழுக்கவும் இணையதளம் மூலமாக இவருக்கு டிக்கெட் முன்பதிவு செய்யும் பயணிகளுக்கு 10 சதவிகிதம் தள்ளுபடி வழங்கப்படும் என அமைச்சர் சிவசங்கர் சட்டசபையில் அறிவிப்பு வெளியிட்டுள்ளார்.
இந்த அறிவிப்பு தற்போது அமல்படுத்தப்பட்டிருக்கிறது. அதன்படி ஒரே நேரத்தில் சொந்த ஊர்களுக்கோ அல்லது வெளியூர்களுக்கோ சென்று வருவதற்கான டிக்கெட்டை இணையதளம் மூலமாக முன்பதிவு செய்தால் திரும்பி வருவதற்கான டிக்கெட் கட்டணத்தில் 10 சதவீதம் சலுகை வழங்கப்படுகிறது. ஆனால் விழா நாட்களில் இந்த சலுகை பொருந்தாது மேலும் இதர நாட்களில் இந்த சலுகை கிடைக்கும். இந்த சலுகையை பெற விரும்பும் பயணிகள் https://www.tnstc.in எனும் இணையதளம் அல்லது tnstc என்ற செல்போன் செயலியை அணுகி பயன் பெற்றுக் கொள்ளலாம் அரசு விரைவு போக்குவரத்து கழகத்தின் கீழ் அதிநவீன மிதவை பேருந்து குளிர்சாதன பேருந்து குளிர்சாதன படுக்கை மற்றும் இயற்கை வசதி கொண்ட பேருந்து கழிப்பறை வசதியுடன் கூடிய பேருந்துகள் என மொத்தம் 182 பேருந்துகள் இயக்கப்படுகிறது. மேலும் தமிழகம் மட்டுமல்லாமல் ஆந்திரா கேரளா கர்நாடகா புதுச்சேரி மாநிலங்களுக்கும் சேர்த்து மொத்தம் 251 வழித்தடங்களில் இந்த பேருந்துகள் இயக்கப்பட்டு வருகிறது இந்த அனைத்து பேருந்துகளிலும் பயணிகள் சலுகை பெறலாம் என அவர்கள் தெரிவித்துள்ளனர்.