ஒரே வருடத்தில் பல திரைப்படங்களில் நடித்துள்ளார் ஜெய்.
விஜய் நடிப்பில் வெளியான பகவதி திரைப்படத்தில் விஜய்க்கு தம்பியாக நடித்ததன் மூலம் தமிழ் சினிமா உலகிற்கு அறிமுகமானார் ஜெய். இவருக்கு சுப்பிரமணியபுரம் திரைப்படம் திருப்புமுனையாக அமைந்தது. பிளாக் பஸ்டர் ஹிட் அடித்து வெற்றி பெற்றது. இதையடுத்து வாமனன், அதே நேரம் அதே இடம், கோவா, அவள் பெயர் தமிழரசி, கனிமொழி, அர்ஜுனன் காதலி, எங்கேயும் எப்போதும் என முப்பதுக்கு மேற்பட்ட திரைப்படங்களில் நடித்துள்ளார்.
இந்த வருடம் மட்டும் இவர் நடிப்பில் வீரபாண்டியபுரம், குற்றம் குற்றமே, பட்டாம்பூச்சி ,எண்ணித் துணிக என நான்கு திரைப்படங்கள் ரிலீசான நிலையில் மேலும் இரண்டு திரைப்படங்கள் வெளியாக உள்ளது. அடுத்தடுத்து அதிக திரைப்படங்களில் நடித்தாலும் அவருக்கு வெற்றி என்பது எட்டாக்கனியாகவே இருக்கின்றது. இதனால் ரசிகர்கள் கவலை அடைந்துள்ளனர்.