தமிழ் சினிமாவில் முன்னணி இயக்குனராக வலம் வரும் கே.எஸ் ரவிக்குமார் பல வெற்றி படங்களை இயக்கியுள்ளார். இவர் தற்போது ஹிட்லிஸ்ட் என்ற புதிய படத்தை தயாரிக்க இருக்கிறார். இந்த படத்தை இயக்குனர் கே.எஸ் ரவிக்குமாரிடம் உதவி இயக்குனர்களாக பணியாற்றிய கார்த்திகேயன் மற்றும் சூரியக்கதிர் இணைந்து இயக்குகின்றனர். இந்தப் படத்தில் பிரபல இயக்குனர் விக்ரமின் மகன் விஜய் கனிஷ்கா ஹீரோவாக அறிமுகமாக இருக்கிறார். இப்படத்தில் நடிகர் சரத்குமார் முக்கிய வேடத்தில் நடிக்க இருக்கிறார்.
இந்நிலையில் ஹிட்லிஸ்ட் படத்திற்கான பூஜை சென்னையில் மிக பிரம்மாண்டமாக நடைபெற்றது. இந்த பூஜையில் பிரபல இயக்குனர்கள் லிங்குசாமி, ஏ.எல் விஜய், கார்த்திக் சுப்புராஜ், எஸ்.ஏ சந்திரசேகர், ஏ.ஆர் முருகதாஸ் மற்றும் வெற்றிமாறன் உள்ளிட்ட பலர் கலந்து கொண்டனர். மேலும் இயக்குனர் கே.எஸ் ரவிக்குமார் ஹிட்லிஸ்ட் திரைப்படம் கமர்சியல் மற்றும் ஆக்சன் நிறைந்த திரைப்படமாக உருவாக இருக்கிறது என்று கூறியுள்ளார்.
