முதுநிலை மருத்துவப் படிப்புக்கான நீட்தேர்வு சென்ற மேமாதம் 21ம் தேதி நடந்தது. இதற்குரிய முடிவுகள் சென்ற ஜூன் 1 ஆம் தேதி வெளியாகியது. இதையடுத்து முது நிலை மருத்துவப்படிப்புக்கான கலந்தாய்வு செப்டம்பர் 1ம் தேதி தொடங்க இருக்கிறது. இந்த நிலையில் முதுநிலை நீட்தேர்வுக்கான விடைத்தாள், வினாத்தாளை வெளியிடாத மருத்துவ தேசிய தேர்வு வாரியத்தின் முடிவை எதிர்த்து தாக்கல் செய்த மனுவை பட்டியலிட மனுதாரர் கோரினார்.
இதனை விசாரித்த உச்சநீதிமன்றம், நீட் முதுநிலை கலந்தாய்வுக்குத் தடை இல்லை என தெரிவித்துள்ளது. அத்துடன் மாணவர்களின் வாழ்க்கையை ஆபத்தில் கொண்டு செல்ல விரும்பவில்லை. அவற்றில் நாங்கள் தலையிட மாட்டோம். ஆகவே திட்டமிட்டபடி கலந்தாய்வு நடக்கட்டும், அதை நிறுத்தவேண்டாம் என நீதிபதி சந்திர சூட் அமர்வு கூறியுள்ளது.