“விஜய்யுடன் இணையுள்ள கீர்த்தி சுரேஷ்…?” எதிர்பார்ப்பில் ரசிகர்கள்…!!!!!

தளபதி 67 திரைப்படத்தில் விஜய் உடன் இணைந்து கீர்த்தி சுரேஷ் நடிக்க இருப்பதாக செய்தி வெளியாகியுள்ளது.

தமிழ் சினிமாவில் மாநகரம், கைதி, மாஸ்டர், விக்ரம் ஆகிய படங்களை இயக்கி தனக்கென்று ஓர் இடத்தை பிடித்தவர் லோகேஷ் கனகராஜ். இவர் இயக்கத்தில் உருவாகி ஜூன் 3ஆம் தேதி வெளியான விக்ரம் திரைப்படம் ரசிகர்கள் மத்தியில் நல்ல வரவேற்பை பெற்றது. இதனையடுத்து இயக்குனர் லோகேஷ் கனகராஜ் விஜய் நடிக்கும் 67வது படத்தை இயக்க உள்ளார்.

மாஸ்டர் படத்தின் வெற்றிக்கு பிறகு தளபதி 67 இந்த கூட்டணி மீண்டும் இணைந்துள்ளது. இத்திரைப்படம் குறித்த அதிகார பூர்வ அறிவிப்பு இதுவரை வெளியாகவில்லை. இருப்பினும் இத்திரைப்படத்தில் நடிப்பவர்கள் குறித்த தகவல் வெளியாகி வருகின்றது. இப்படத்தில் சஞ்சய்தத், பிருதிவிராஜ், அர்ஜுன் உள்ளிடோர் நடிக்க இருப்பதாக பேசப்பட்டு வருகின்றது.

மேலும் இத்திரைப்படத்தில் திரிஷா, சமந்தா உள்ளிட்டோர் கதாநாயகியாக நடிக்க வாய்ப்பு இருப்பதாக சினிமா வட்டாரத்தில் பேச்சு அடிபடுகின்றது. இந்த நிலையில் தற்போது கீர்த்தி சுரேஷ் நடிக்க வாய்ப்பு இருப்பதாக செய்தி வெளியாகியுள்ளது. விஜய்யுடன் கீர்த்தி சுரேஷ் இணைந்து நடித்த சர்கார், பைரவா உள்ளிட்ட திரைப்படங்கள் வெற்றி பெற்ற நிலையில் மீண்டும் இவர்கள் இருவரும் இணைவதால் ரசிகர்கள் மத்தியில் எதிர்பார்ப்பை ஏற்படுத்தி உள்ளது.