நயன்தாராவின் ஜவான் படப்பிடிப்பில் பிரபல நடிகை பங்கேற்று இருக்கின்றார்.
தமிழ் சினிமா உலகில் பிரபல இயக்குனராக வலம் வரும் அட்லீ தற்பொழுது ஹாலிவுட் இருந்து பாலிவுட் சென்றிருக்கின்றார். பாலிவுட் சூப்பர் ஸ்டாரான ஷாருக்கானை வைத்து ஜவான் திரைப்படத்தை இயக்கி வருகின்றார். இத்திரைப்படம் மூலம் நயன்தாராவும் பாலிவுட்டில் அறிமுகமாகின்றார்.
இத்திரைப்படத்தில் விஜய், விஜய் சேதுபதி, தீபிகா படுகோன் உள்ளிட்டோர் கேமியோ அப்பியரன்ஸ் கொடுக்க இருப்பதாக தகவல் வெளியானது. தற்பொழுது இப்படத்தின் படபிடிப்பு மும்பை மற்றும் சென்னையில் நடந்து வருகின்றது. நயன்தாரா திருமணத்திற்கு முன்பும் பின்பும் ஜவான் படப்பிடிப்பில் பங்கேற்றிருந்தார். தற்பொழுது விக்னேஷ் சிவனுடன் சேர்ந்து ஸ்பெயினுக்கு ஹனிமூனுக்கு சென்று இருக்கின்றார்.
இந்த நிலையில் இத்திரைப்படத்தின் படப்பிடிப்பு குறித்த செய்தி வெளியாகி இருக்கின்றது. அதன்படி ஜவான் திரைப்படத்தின் அடுத்த கட்ட படபிடிப்பானது தற்போது சென்னையில் ஆரம்பமாகியுள்ளது. இதில் பங்கேற்க ஷாருக்கானும் தீபிகா படுகோனும் சென்ற ஞாயிற்றுக்கிழமை சென்னை வந்தடைந்தார்கள். இவர்கள் இருவருக்குமான காட்சிகள் சென்னையில் நேற்று முன்தினம் முதல் படமாக்கப்பட்டு வருவதாக சொல்லப்படுகின்றது. இருவருக்குமான காட்சிகள் 5 நாட்கள் படமாக்கப்படும் என கூறப்படுகின்றது குறிப்பிடத்தக்கது.